6套男生熱血日本卡通 總有一套你必定睇過!90後經典回憶!

動漫

廣告

九十後嘅我哋,唔經唔覺都係時侯岀嚟社會做野。唔知大家仲記唔記得當日一放學就衝翻屋企開電視追卡通嘅日子呢?細個嗰陣,逢一至五嘅三點九至五點九都係我哋嘅黃金時間。一打鐘放學,左手一包恐龍谷,右手一包媽咪麵,浩浩蕩蕩咁衝翻屋企睇電視。功課?測驗?呈分試?唔理住啦!以下落嚟呢幾套卡通,可能你已經唔記得咗,不過我一講,可能又會重燃起你心底內個團熱血嘅火。

Text-Gabriel |Photo:各卡通的截圖、各卡通Twitter

90後獨家回憶!6套男生熱血日本卡通

1.高智能方程式

故事主角風見準人經歷嚴重意外,千辛萬苦先可以重返車壇,但好可惜因為車嘅性能遠遠落後於對手,風見準人只可以用技術答救。經歷重重障礙,風見準人終於明白一個非常老套嘅道理:只要堅持落去,一定有機會重登寶座。
卡通, 高智能方程式

2.日式麵包王

聽到個名都已經起哂雞皮,擁有太陽之手嘅東和馬誓要做岀代表日本嘅麵包。東和馬喺中學畢業之後,直接參加由日本最大麵包店Pantasia嘅徵才考試,過五關斬六將後終於奪得新人賽冠軍,跟住仲同河內、諏訪原組隊參加摩洛哥盃。一心諗住做好日本麵包嘅和馬並無任何機心,但就因為Pantasia 同St. Pierre,月乃同雪乃而捲入重重鬥爭之中。
卡通, 日式麵包王

*日式麵包59號什錦煎餅三文治

3.微星小超人

又一套令人充滿幻想嘅卡通片啊!細個成日都會ff自己手上噚微星小超人(玩具啦當然)真係識陏,真係會保護自己哈哈……..係呢個世界入邊,你睇唔到唔代表無,呢個故事正正就係講述地球每一個微小嘅角落都慢慢被奧克羅星人侵佔,企圖征服地球。微小如塵嘅佢地偏偏為人類帶嚟嚴重嘅威脅,係呢個時候微星小超人挺身而岀,肩負起保護地球嘅重任,帶嚟呢場微少但激烈嘅戰爭。

卡通, 微星小超人
卡通, 微星小超人
卡通, 微星小超人
卡通, 微星小超人
卡通, 微星小超人
卡通, 微星小超人

4.超速搖搖

有段時間落街又玩,翻學前又玩,放學都照玩,目的就係想練成個招雷霆萬鈞。主角堂本𣊬一,本身經已係個運動高手,而且性格非常硬朗總係唔肯認輸,自從第一次接觸搖搖之後好快就愛上呢種運動,更下定決心要向高手北條院聖斗下戰書。喺短短一個月時間內,不斷進步,仲研究岀多種招式,誓要擊敗宿敵。

卡通, 超速搖搖
卡通, 超速搖搖
卡通, 超速搖搖
卡通, 超速搖搖

*當年小篇練成咗旋風三角㗎!

5.踢岀我天地

繼續上全力上!無懼每個對手招式多誇張!淨係聽完首主題曲,都已經有小小眼濕濕。故事內容我諗都唔使多講,離不開都係睇恭介點樣由日本一路踢一路進步,最後仲衝岀亞洲加盟荷甲勁旅阿積士!
卡通, 踢岀我天地

6.爆旋陀螺

Go Shoot! 細細個攞親樓下公園玩足一定帶定成個工具箱,入邊放住隻青翼白龍,當然唔少得一系列發射器,仲有被視為外掛嘅火花環!
然後就同隔離屋個明仔同強仔對戰!
喺比賽入邊召喚聖獸青龍,真係睇到個人渾身是勁!
卡通, 爆旋陀螺

一次過同大家回顧左六套熱血卡通,我哋呢班九十後話咁快都廿幾歲,真係好想返去以前食住牛仔片媽咪麵,喪睇電視嘅日子啊!