愛妻號森美自嘲野獸 結婚廿周年罕有放出與太太合照閃 森美:用一張簡單的相片,交換再多走二十年

流行娛樂

廣告

森美平日工作時講嘢鬼馬風趣,但返到屋企就係一個住家好男人,喺2000年同索老婆Veronica(陳雅嫻)結婚後,兩公婆都好少高調放閃,除了在 2019年時,森美曾上載一張同老婆的合照放閃,惜事後就坦言老婆唔畀佢再放,來到今晚(8/5),森美再次上載同太太喺迪士尼城堡前嘅相片,大放閃光彈。

撰文、圖片:東方新地|編輯:八卦妹

森美結婚廿周年罕有放出與太太合照閃

森美同索老婆Veronica(陳雅嫻)早喺電台節目「叱咤殺戮新大陸」中認識,隨後於2000年結婚拉埋天窗,由於Veronica結婚後就退出電台成圈外人,森美為保護家人,甚少喺公開場合中提到家人。之不過,近年來,森美逐漸有所轉變,而直至今日森美竟罕有地放閃,原來喺二人結婚廿周年紀念。森美上載與太太喺迪士尼城堡前嘅合照,並留言表示:「公主城堡前發現野獸跟公主,二十年前沒有盛大的婚宴,仍能走到今天,就用一張簡單的相片,交換再多走二十年。」

 

愛妻號森美自嘲野獸 結婚廿周年罕有放出與太太合照閃 森美:用一張簡單的相片,交換再多走二十年

圈中藝人、網友大讚森美夠Sweet 森美嫂夠索

森美上載相片短短4小時就已獲得3萬多讚,當中Aka(趙慧珊)、丁子朗、張名雅、黃翠如、6號(陸浩明)、蔡明思、麥美恩、林奕匡、何遠東等一眾圈中藝人均有留言大讚:「So Sweet」及留下心心圖案;而一眾網友則大讚森美嫂又靚又索,少女味十足:「嫂嫂好索」、「森美嫂仲係咁索 大哥好幸福啦」、「阿嫂?明明就係個𡃁妹」。

 

Aka(趙慧珊)、丁子朗、張名雅、黃翠如、6號(陸浩明)、蔡明思、麥美恩、林奕匡、何遠東等一眾圈中藝人均有留言大讚:「So Sweet」及留下心心圖案
Aka(趙慧珊)、丁子朗、張名雅、黃翠如、6號(陸浩明)、蔡明思、麥美恩、林奕匡、何遠東等一眾圈中藝人均有留言大讚:「So Sweet」及留下心心圖案
一眾網友則大讚森美嫂又靚又索,少女味十足:「嫂嫂好索」、「森美嫂仲係咁索 大哥好幸福啦」
一眾網友則大讚森美嫂又靚又索,少女味十足:「嫂嫂好索」、「森美嫂仲係咁索 大哥好幸福啦」

 

森美老婆愛得低調 曾因Post相放閃被老婆禁止

愛妻號森美早多年前極少談及妻兒,直至近年仔女開始大,且又唔太抗拒因爹哋而曝光,森美先開放態度多咗提老婆及仔女。

老婆愛低調,愛妻號森美入行初期極少談及妻兒,直至近年仔女開始大,又唔太抗拒因爹哋而曝光,森美先開放態度多咗提老婆及仔女。
老婆愛低調,愛妻號森美入行初期極少談及妻兒,直至近年仔女開始大,又唔太抗拒因爹哋而曝光,森美先開放態度多咗提老婆及仔女。
早前更開心自爆, 兒子曦樂在英國會考(GCSE)取得11個A,女兒曦童亦愛創作,森美坦言為一對仔女感到驕傲!
早前更開心自爆, 兒子曦樂在英國會考(GCSE)取得11個A,女兒曦童亦愛創作,森美坦言為一對仔女感到驕傲!

在2019年時,森美曾喺個人社交網上載與太太嘅合照,旋即引起不少熱話,有不少網友都大讚森美嫂Keep得好,但事隔數日後,森美接受媒體訪問時,就坦言自己因上載相片而比老婆話,仲話之後唔準再放合照到社交網上。

愛妻號森美難得放閃即被老婆禁止

夫婦二人皆不拘小節貼地生活企街吃串燒

多年來keep 住索的森美嫂Veronica (陳雅嫻),打扮樸素一個人到九龍城買嘢,更不拘小節企街吃串燒。森美亦到盡顯廿四孝老公兼老竇身份,一支公去買餸,絕對係住家好男人。

愛妻號森美難得放閃即被老婆禁止

生了兩個,大仔已 16 歲的森美嫂無論身形,打扮都如少女一樣,難怪森美要努力操弗自己去襯索老婆!
生了兩個的森美嫂無論身形,打扮都如少女一樣,難怪森美要努力操弗自己去襯索老婆!
平日講嘢鬼馬風趣,森美另一面仲係住家好男人,日前在電台收工,就去咗買栗子同花生,睇嚟係幫老婆買料煲靚湯!
平日講嘢鬼馬風趣,森美另一面仲係住家好男人,日前在電台收工,就去咗買栗子同花生,睇嚟係幫老婆買料煲靚湯!
當日森美相當忙碌,買完餸,又約咗朋友去電單車舖買倒後鏡。
當日森美相當忙碌,買完餸,又約咗朋友去電單車舖買倒後鏡。
之後森美又去咗幫新買的Benz黐太陽玻璃紙,搞咗個幾鐘,再駕車載友 人一齊返寓所,泊低車後,森美再替電單車換倒後鏡,忙到一腳踢。
之後森美又去咗幫新買的Benz黐太陽玻璃紙,搞咗個幾鐘,再駕車載友 人一齊返寓所,泊低車後,森美再替電單車換倒後鏡,忙到一腳踢。

關鍵詞
森美