2022世界盃｜ViuTV3大女神 人妻 vs 港女 vs MK妹
杰寧（潘杰寧 Kelena）
人稱「杰寧公主」嘅潘杰寧（Kelena）現年37歲已貴為人妻，但外表相當逆齡，不但長相清純甜美，外表亦充滿知性溫婉氣質。而杰寧曾效力過有線電視，主持過不少體育節目，因而亦收割一批粉絲。而杰寧自稱係女球迷，自12歲睇咗1998年世界盃當時18歲嘅英格蘭球員奧雲（Michael James Owen）嘅英姿後即被迷倒，從此更成為利物浦忠粉。今次參與世界盃節目應該對杰寧毫無難度，不時表現出頭頭是道，可見對足球運動有一定認識。
Ah Gi（樊沛珈）
樣子標緻嘅Ah Gi 現年32歲，輕熟女外型滲出陣陣女人味，加上一雙均稱美腿迷倒唔少網民。與眾多KOL女神唔同嘅係Ah Gi俾觀眾嘅印象好cool，因照片十居其九「口黑面黑」，被網民形容「靚女得黎成日西面，港女形象代表」。但正因如此，反而深受網民喜愛。離開短片平台「啱Channel」後Ah Gi投身MakerVille，今次係Viu TV擔任世界盃女神似乎受到力棒，而網民發現Ah Gi形象亦有所改變，不但除低「西面面具」，節目上表現積極，更不時露出甜笑，令網民大呼好治癒！
嘉盈（王嘉盈 Kaying）
「熊仔頭」FHProductionHK成員嘉盈（王嘉盈 Kaying）因甜美外貌及姣好身材而受到網民關注，其出位嘅言論亦引起不少話題，被喻為「MK女王」、「絕種MK妹」嘅嘉盈IG上更擁有近25萬粉絲，可謂極俱人氣。而自稱擁有33E嬌人上圍嘅嘉盈以往鏡頭前打扮一向大方，不時作清涼打扮大派福利，但喺世界盃節目上嘉盈似乎打算「封胸」不再性感示人，打扮傾向可愛日系少女風格，雖然獲得不少網民大讚好清新，不過亦有網民認為失色不少，加上鏡頭不時影到嘉盈掛住食零食而甚少參與話題，被嘲似「現場觀眾」。
杰寧完勝 網民：重點係識睇波
對於3位KOL女神嘅表現，網民們似乎各有所愛，但論最受歡迎非杰寧莫屬。全因杰寧係一位真球迷，喺節目上對比Ah Gi同嘉盈嘅表現，杰寧明顯係一位「識波之人」，有不少網民大讚從杰寧喺節目嘅言談中表現出對足球運動有一定認識：「杰寧識啲嘢」、「杰寧公主真球迷」、「話明世界盃女神就應該識睇波」，因而更受網民喜愛。
嘉盈曾被初戀打到流血？
嘉盈16歲還在讀書階段就初戀，當時因為一件事就與前男朋友嘈交，然後被批踭打到落塊面度流血；嘉盈參加ViuTV戀愛真人騷《姊妹們的國際市場》，以低胸貼身上鏡，每一舉動及說話都令引起話題，但近日嘉盈以「標準嘅香港女仔」自居就引起網民熱討一句說話激嬲港女。
嘉盈近日疑似真空激凸？
嘉盈時不時就喺社交平台開直播出story分享自己的生活點滴，近日佢最新的story竟然素顏兼真空上陣…詳情請看。
