老公成功搵嚟「兩餸飯Ali」反擊荃灣威威？！

「兩餸飯Ali」反擊戰

豬肉切割員劉宋威（威威）一事紅遍香港內地，仲被內地網民大讚「香港周街都係靚仔」，背後全靠師奶們的努力。不過啲老公就慘啦，之前狂食m記後又狂食豬肉，又要陪老婆去荃灣街市朝聖，真係辛苦晒！今次終於被網民搵到「兩餸飯Ali」嚟個反擊！單睇照片確實真係同女神李佳芯 ( Ali ) 幾分相似，當時「兩餸飯Ali」正為在裝飯，留有一頭海綠色的長髮、著住緊身上衣，展現青春活力，簡直有「叛逆版Ali」的感覺！

網民迅速起底

唔少網民見到都心心眼，即刻於討論區被起底，搵到「兩餸飯Ali」的Twitter，入面除了真面目外，仲有超級性感照！不過除咗罩的「兩餸飯Ali」就似乎同李佳芯 ( Ali )唔多似啦，唔少網民話似女神DaDa多啲？

重溫青靚白淨「賣魚mc」

近日又有網民於討論區發起討論，指自己搵到比威威更靚仔的街市佬「海鮮仔，靚仔過豬肉威多多聲」，相片一出，即引起師奶們的熱討，相片可見與威威係截然不同的風格，相比下係「青靚白淨」，原來唔少師奶都喜歡呢種type！

詳細文章請睇：師奶再次搵到新靚仔街市佬 力捧「賣魚MC」威威地位不保？！