193串爆獎門人後舊片即被翻炒！到TVB電視城踩場：我真係韓星嚟㗎！ 內文有片

撰文：Andy｜圖片：193 IG、《肥仔大冒險》 截圖｜編輯：海月

193串爆獎門人後舊片即被翻炒

早前，曾志偉一句：「ViuTV不是TVB的競爭對手」，搞到滿城風雨。而ViuTV搞笑組合ERROR成員193就唔似其他人啞忍，佢直接開聲反擊稱TVB：「係多老人家睇。」193寸爆嘅回應獲得一眾網民大讚。

193@error自從反擊曾志偉貶低ViuTV言論之後，佢IG一夜之間多咗超過10K嘅followers。反問「J2係咩」同取笑TVB節目《#後生仔傾吓偈》係40幾歲嘅藝人主持。

193嘅回應導致佢再次人氣急升，網絡對於193嘅討論亦變得越多。更有網民開post，幫大家回帶兩年前嘅ViuTV節目《肥仔大冒險》中，原來193曾經單人匹馬去TVB 踩場。

該節目中，193身穿紅色「戰衣」，仲自稱係韓星，去TVB電視城踩場。不過TVB門口嘅保安哥哥就唔理佢，任佢又話自己係明星，又當街跳舞，保安哥哥都唔放行，叫他先行登記再等消息。最後要ERROR其他兩位成員肥仔及阿Dee扯走193先收到場。

193節目曾借犀牛寸花姐成日鬧人

節目組知道193怕動物，特別安排他去動物園為犀牛擦背。此時，193就借意叫犀牛做「阿花」勁寸花姐：「阿花，你生到咁大隻，你屋企人好辛苦你知唔知？又重，壓到人就唔好啦。有時你就唔應該咁暴躁，你太勞氣，就會影響到人。」明顯是借犀牛寸花姐成日鬧人，花姐一直叫193收X，但也沒有因為193寸自己而雪藏他，相當大方。