被193@ERROR寸40歲!6號陸浩明繼續自封「後生仔」反擊:我都唔得閒睇ERROR!

[email protected]寸40歲!6號陸浩明繼續自封「後生仔」反擊:我都唔得閒睇ERROR!

早前被[email protected]寸「40幾歲仲話後生仔傾偈嗰個」嘅6號陸浩明,喺無綫同ViuTV嘅戰事中既係士兵又係炮灰!日前佢公開活動終於回應193,更表示唔會尷尬亦唔介意,自己就好似一個球隊的領隊,仲話任何電視台都會睇,不過ERROR嘅節目就唔得閒睇喎!

撰文:東方新地 | 圖片:6號IG圖片、馮盈盈IG圖片、193IG圖片| 編輯:20| 原文刊於:東方新地

陸浩明
陸浩明與馮盈盈一齊就193的言論公開回應。

陸浩明表面大方話唔介意

現年42歲的陸浩明出席公開活動時提及早前曾志偉批評ViuTV節目題材偏門,只能與J2比較,遭ERROR成員193(郭嘉駿)明寸:「J2係咩嚟?40幾歲仲做《#後生仔傾吓偈》嗰個?」躺著中槍的陸浩明表示絕對不介意:「好多謝有留意我哋節目。冇所謂,我最欣賞後生仔嗰種創意,同埋嗰種豁達心態。」

陸浩明
談到193被指不尊重前輩,6號就回應道:「做呢行好多嘢都要跌跌碰碰,喺經驗中學習,我哋細細個以前都會錯,所以我覺得唔好畀框架自己,做返自己係最正!」
陸浩明
陸浩明與馮盈盈已成為《後生仔》的代表人物,曾志偉回巢後更受重用。

陸浩明反寸:唔通兒童節目就搵小朋友主持?

陸浩明身旁的馮盈盈亦回應說:「我哋就係J2最偏門嘅節目, 搵我哋兩個做咪好偏門囉,討論嘅題目都好偏門!」至於再主持《#後生仔傾吓偈》會否尷尬?,陸浩明就話唔會:「我嘅角色就好似領隊,盡主持責任帶領年輕人說話,正如網友話齋,唔通兒童節目就要搵小朋友主持咩?」

陸浩明
馮盈盈亦幫口撐,對於6號被寸老,她指對方經常在節目中幫眾人打圓場:「我哋年輕人經常衝口而出講錯嘢,好在有佢幫我哋兜,佢係一個好前輩。」
陸浩明
對於「伯樂」余詠珊將離職,陸浩明竟以「唔多熟」的口脗避答:「公司有同事離職當然要感謝佢哋嘅付出,祝福新發展。」他又表示不清楚公司是否有「限廚令」,但暫未會與肥媽再合作《食平D》。

唔敢再提ViuTV

被記者問到有否看友台節目知己知彼,陸浩明推搪說:「咩台都睇,只要有好節目都會睇,日本、韓國、俄羅斯嘅節目都有睇,(咁ERROR嘅節目呢?)我工作較忙,真係冇乜時間!」就連自稱「姜糖」的馮盈盈被問有否看姜濤的節目,她不敢再多說一句,她只說:「工作忙冇乜時間睇呀!」

陸浩明
193因為寸嘴而上位,對於當日話無綫係畀啲老嘢睇,193自我檢討後都覺得自己無禮,日前表示會改口叫「耆英」。
陸浩明
ERROR最近人氣急升,曝光率拍得住人氣男團MIRROR。

口罩小姐後台隔空開火

對於曾志偉暗指ViuTV不是翡翠台的對手,口罩小姐又唔夠香港小姐有認受性,ERROR四子在口罩小姐總決賽後台回應,提到節目與TVB《開心大綜藝》對撼,肥仔表示兩台觀眾層面不一難以作比較,193笑言打唔贏對方,阿Dee則自嘲:「冇理由用財經新聞台對教育電視。」而講到曾志偉指ViuTV題材偏門只可與J2台比較,193就隔空反擊:「J2咩嚟㗎?後生仔傾吓偈嗰啲?40幾歲仲後生仔?」明寸已年過40歲的無綫主持六號陸浩明,193寸爆說:「佢哋畀啲老嘢睇㗎嘛!我哋係咩年齡層都有。」更指所謂的「收視」亦只得幾百部電視去統計,不用理會。

口罩小姐
對於曾志偉在較早曾稱 ViuTV的節目題材較偏門,而且收視只得約4點,只能與J2作比較等論點,ERROR四子亦不甘示弱,與曾志偉互窒,當中193更連珠發炮。
口罩小姐
當中193的回應最有guts,甚至反問「J2係做咩」等等,句句有骨。不過肥仔最後都打圓場,表示無論TVB或ViuTV都好,能夠帶動觀眾睇電視就算是成功。
口罩小姐
193大膽敢言,總算為ViuTV爭番啖氣。

YOU MAY ALSO LIKE ...