193為退款風波道歉仍堅稱買家先出言不遜 IG離奇爆升被質疑買fans
廣告
ERROR成員郭嘉駿（193）個人經營的網店LILABOC，日前因退款風波與網民起爭執，事發後，193對客人毫不客氣的言論，惹來網民極大迴響，不過被網民聲討的193，就一於堅持到底，更說「咩年代，仲罵不還口？」、「你搞唔死我㗎!」實行以一人之力，力抗萬千「鍵盤戰士」。
撰文：叮叮｜圖片來源：LILABOC IG、193 IG、連登討論區截圖
193 大戰連登仔始末：
193@ERROR罵買家文盲遭連登網民聲討 「霸氣」回應：唔鍾意咪唔關注我囉
193開腔指控買家冇禮貌在先 再有新苦主爆遭網站拖數 IG一日跌6千
193在網店就事件道歉
事件經過一段時間後，經常將「知我咩料啦？」掛口邊的193，今晚終於就事件道歉，在網站IG留言說：「針對早前發生嘅風波，喺度同大家講聲唔好意思。」但在其聲明中，就強調之所以要道歉，只因事件引起社會及各方朋友帶來不便，並非自己無禮回覆客人而作出此聲明。他說：「並唔係因為無禮地回覆首先出言不遜侮辱粉絲嘅『客人』！」堅持是對方惹起事端在先。
網民批道歉欠誠意
同時，他表示網店已開設網頁，為了避免再發生爭執，已交由專人處理。在最尾一段又不忘為網站宣傳，透露除了有服裝外，網站亦提供不同類型的產品，以滿足fans需要。雖然193終於肯認「矮仔」耍冧，不過網民就似乎唔多收貨，紛紛指他的道歉欠誠意，更說他乘機為網站宣傳「好肉酸」！
新followers疑似假戶口
至於退款風波連日發酵，除了ERROR各成員受牽連，193引以為傲的IG人數，在事發後亦有明顯下跌跡象，短短幾日至少流失逾2萬fans，40萬大關一度失守。可是，有網民發現193昨日（6日）的IG人數，竟如有神助般，在兩個小時內忽然多了1000個followers，極速重回40萬關口，可是，新的followers全部是一些沒有頭像的數字假戶口，同時有網民發現其fans group有人表示「幫33係淘寶買咗1000 followers，好似比（俾）人發現左」，引起網民質疑有人買fans。看來關公未出場，花生早已賣斷市。
