193郭嘉駿霸氣回應網民對cafe的投訴：Cafe一向都呃錢
廣告
193郭嘉駿cafe未開業到開業一直都問題多多，由裝修延遲蝕錢到開張後不斷被網民投訴呃錢、抄襲韓國知名cafe等問題。日前193於《chill club頒獎典禮》後終開腔回應，指：要平可以去食兩餸飯！一向敢言的193咁講驚唔驚得罪老婆們呀？
193回應網民投訴：「如果要平可以去食兩餸飯，嗰啲你可以企喺街邊度食」
4月才開業的193《Tanuki Coffee》問題多多，未開業租金蝕逾三十萬，開業後第三天因食物供應不足突然煞停，193都坦言自己經驗不足，超出他的預期。後來愈來愈多網民幫襯完仲投訴指名符「呃錢」，影晒相tag cafe指出該cafe賣的包唔值＄98，餡料偏少又唔好味！跟住仲俾網民大起底指193抄韓國Egg Drop吐司店，就連裝修設備、食物種類都抄都足一足！面對投訴多多的網民，一向敢言的193大方於回應網民，認為有呢番投訴的網民應該少去cafe幫襯：「cafe一向都呃錢，如果你要平可以去食兩餸飯，嗰啲你可以企喺街邊度食。而佢嘅cafe有裝修有配件，呢個價錢係正常。」食物質素方面，佢都睇咗網民拍攝的圖片，有向合資的parter反映，已經改良好，就連食譜都大大更改！叫大家可以放心再次幫襯：「包你食到嘔！」唔知網民聽到193今次的回應後有無多番啲信心去幫襯？
網民反應：呃錢仲咁大聲？
似乎193的回應唔係太討好普遍網民，指：「呃錢仲咁大聲」「唔係燒俾你食咪算係咁囉」「香港人就係咁m，鍾意俾人x」「唔回應抄襲？」「但二餸平都高質過你呢」「其實有無人對呢類所謂唔扮野/敢言好反感，上一代係火雞姐」「大把水魚」「佢完美示範，一朝得志語無倫次」「我攞正牌呃錢，傳統文化黎」「而家成日開地圖炮想點」不過亦有網民支持193指佢無講錯，而且真係改善咗食物質素，係聆聽消費者需求！
圖片來源：新傳媒圖片庫, IG@deniskwok193, LIHKG討論區截圖
