Error疫情訪問 193咖啡店開唔到張 大呻好窮 肥仔反而減肥成功？

193變窮 肥仔變瘦？

組合ERROR成員郭嘉駿（193）原定上月底喺紅磡區開咖啡店「Tanuki Coffee」，可惜因疫情問題，搞到啲工程亂晒。訪問片段中193展示店鋪仍然一片混亂，完全未裝修好嘅狀態，搞咗咁耐只係得牆壁完成，搞到193好頭痛表示：「我本身係億萬富翁，而家搞到我呢排好窮呀！」除咗裝修，佢都有俾早前中港司機確診問題影響，令佢訂咗嘅貨物落唔到嚟香港，睇怕裝修好，都開張無期啦。而梁業（肥仔）喺居家隔離期間睇落成個人瘦晒，仲俾193取笑佢係整容，塊面尖咗好多。原來因為肥仔俾呢個疫情嚇怕，一直食一啲好清淡嘅嘢，不斷食菜、粥同橙，瘦到連雙下巴都無埋！睇嚟疫情反而令佢仲健康咗。

193咖啡店嘅IG專頁。

訪問片段展示肥仔對比圖，好似真係瘦咗唔少！

無咗雙下巴。

好多網民都無為193擔心，認為佢嘅人氣同fans應該可以幫佢渡過難關。

有網民表示期待。