《全民造星4》第三輪面試選99強 參加者素顏上陣 花姐狠批:質素好差!暖男阿哥193為阿妹諗定後路!

《全民造星4》第三輪面試選99強 參加者素顏上陣 花姐狠批:質素好差!暖男阿哥193為阿妹諗定後路!

《全民造星4》今年以「組女團」為目標,上月中進行初次面試時,花姐就已表示收到近4千多封的報名表格,初時見到都已感驚訝,更花了一整晚的通宵去看,當中更有不少是ERROR成員的家人、女友,如ERROR成員193(郭嘉駿)胞妹郭嘉盈(Michelle);而日前,《全民造星4》在觀塘工廈內舉行第三輪面試選99強,期間花姐接受媒體訪問時竟表示:「今屆質素好差,跌咗落個陷阱。」

 

撰文:20|圖:193及郭嘉盈IG、ViuTV影片截圖|編輯:八卦妹|部份原文刊於:東方新地

(圖片來源:ViuTV截圖)
(圖片來源:ViuTV截圖)

《全民造星4》第三輪面試花姐狠批:質素好差

《全民造星4》日前已進行第三次面試,大會要求一眾的參賽者要素顏上陣,有在場的記者看到如193的細妹郭嘉盈(Michelle)、「神徒」可柔等熟悉的面孔到場面試;而隨後,記者看到花姐時,即時大問她對於參賽者有何評價,向來直言的花姐聽後即時表示:「今次的質素好差,大部份人技巧唔得!啱啱仲係入面(面試房間)先講話死啦,今次個節目好似跌咗落個陷阱度,係咪要改返做男女會好啲!」隨後花姐再指,由於她今次不是以經理人的身份去參與,所以只是構思如何做好節目,其他的事情就交由其他人去想;對於面試要素顏試陣,花姐就指想要參賽者將最真實的一面放出來。

(圖片來源:ViuTV截圖)
(圖片來源:ViuTV截圖)

 

(圖片來源:花姐IG)
(圖片來源:花姐IG)

193爆已有大品牌搵阿妹拍廣告

ViuTV《全民造星4》今年以「組女團」為目標,193(郭嘉駿)細妹郭嘉盈(Michelle)早前都有現身參加節目面試,當時她曾表示阿哥193都好支持她參選,但今日193出席ViuTV活動後接受傳媒訪問,竟然大唱反調,睇死個妹入唔到圍!他笑言是因為阿妹太渣,而其他人太勁,所以就算花姐肯幫拖,他也覺得阿妹應該入唔到圍。

193(圖片來源:ViuTV)
193話有求花姐畀阿妹入圍,但都打定輸數。(圖片來源:ViuTV)

193指阿妹原本做銀行有高薪厚職,現在卻辭工參賽,他笑言:「我都叫佢唔好搞咁多嘢,可能佢唔知阿哥咁垃圾,做193阿妹冇用,做魯庭暉(ViuTV高層)個妹先有用㗎!」193仲幫阿妹諗定後路,話希望佢落選之後,有Model公司可以簽佢,他透露現在已有大品牌搵阿妹拍廣告。

(圖片來源:ViuTV)
193話做佢個妹冇用,要做魯庭暉(右五)個妹先可以入到圍。(圖片來源:ViuTV)

阿Dee女友文芊澄亦有參選《全民造星4》,他指今年有成幾千人參選,因此亦睇死女友入不到圍,希望花姐可以組個「湊人數練習生」團給家屬參加,作為「家屬謝禮」,而193就笑指如果兩個家屬都未能入到99強,阿Dee就會辭職,然後由他接晒阿Dee嘅廣告來做。

ERROR四子將會每日輪流為奧運節目做評述。(圖片來源:ViuTV)
ERROR四子將會每日輪流為奧運節目做評述。(圖片來源:ViuTV)

193細妹郭嘉盈 參選全因愛唱歌([email protected]

ERROR成員193妹妹、原本返銀行工的郭嘉盈(Michelle)早前曾現身參加《全民造星4》面試,全因她一直都很喜歡唱歌,直至看到哥哥做到自己想做的事,所以今次就來參加;被問到哥哥193聽到她參賽時,Michelle就表示起初會感驚訝,但後來就講話:「好,參加!Nothing to lose!」Michelle指阿哥193同家人都好支持她參選,不過她卻怕自己做得不好會影響哥哥。

193同細妹自細感情就好好。(圖片來源:Michelle IG)
193同細妹自細感情就好好。(圖片來源:Michelle IG)
原來Michelle為了參選《全民造星4》已辭去了原本在銀行的工作。(圖片來源:Michelle IG)
原來Michelle為了參選《全民造星4》已辭去了原本在銀行的工作。(圖片來源:Michelle IG)
Michelle平日熱愛行做運動,身形keep得勁fit。(圖片來源:Michelle IG)
Michelle平日熱愛行做運動,身形keep得勁fit。(圖片來源:Michelle IG)
(圖片來源:郭嘉盈(Michelle)IG)
Michelle現年26歲,同193相差5歲。(圖片來源:Michelle IG)
(圖片來源:郭嘉盈(Michelle)IG)
Michelle指自己同阿哥一樣係比較直嘅人,講嘢唔會收收埋埋!(圖片來源:Michelle IG)

YOU MAY ALSO LIKE ...