【想成為最強YouTuber必睇! 】1億點擊 Jason傳秘招

【想成為最強YouTuber必睇! 】1億點擊 Jason傳秘招

主打分享生活趣事同製作打機片YouTuber Jason,佢頻道總點擊率今個月內將達到1億次,成為首位點擊率過億香港YouTuber。咁鬼勁,我哋當然第1時間搵佢嘅分享成功心得﹕「我好少計劃,但片反而更真,呢樣係我啲片受歡迎嘅最大原因!」佢而家每日至少拍1條片,有人話佢濫,但無阻佢每條片至少有10萬人次睇過。原來拍得濫拍得真,就係Jason成功嘅最大原因!

text – Oscar photo – Jacy design – nam

Jason話佢絕對唔係靠演技取勝,因為自己表情唔多,呢個「失望樣」係佢片中出現次數最多表情。
Jason話佢絕對唔係靠演技取勝,因為自己表情唔多,呢個「失望樣」係佢片中出現次數最多表情。

密食當3番

係YouTubers都知,YouTube有個「伙伴計劃」,只要你條片達到某個點擊率,就會有糧出。Jason話呢個計劃係浮動價,個個月唔同,但平均每1,000點擊率就有十幾蚊。「13年年尾,我透過『伙伴計劃』每月都有約3、4千蚊收入,當時我諗,只要勤力拍片再加上freelance,主力做YouTuber都可以生存到。」

而家Jason維持每日出1條片,有時甚至出2、3條,佢YouTube頻道總共約有1,300條片,點擊率會今個月突破1億。係歌手同唱片公司以外,首個香港YouTuber能夠有1億點擊率。咁佢咪豬籠入水?Jason笑笑口話,實數唔會講,不過每個月收入「過入息中位數」(編按:即$14,000)。「我幾肯定我香港YouTubers中,係以呢個方式收入最多1個。不過講總收入我亦應該係最少,因為其他YouTubers會有其他工作如拍電影、拍廣告,我比較少呢jobs,或者同我拍片種有關。」

Jason話佢一有靈感就會即時拍片。「我每日拍1條片,有人話我『濫拍』,但我覺得分享自己生活瑣碎事都好開心呀。好似早排我女友一次過淘寶淘11箱貨返,我見到都呆!咪即時roll機拍片,逐箱拆開睇下佢買乜。試問有幾多人會一次過淘11箱貨?」

 

《日本直擊!拓也哥》係Jason最多人睇片,有成57萬人次,大家都好好奇到底「口技」強勁拓也哥遇到Jason,會有乜事發生?

 

「真」生活有共鳴

點解Jason片咁受歡迎?佢話一字記之曰:「真」。起初Jason只係拍生活片(飲食、玩具、無聊,總之乜都講下),因為太鍾意打機,就再加打機片。佢話生活片內容都真係佢現實生活中所見所聞,反而打機片有時會有少少造假。「有時專登打得差少少, 反而可以製造多笑料,等大家一齊笑下!不過我真係唔會度古仔。」

Jason話香港YouTuber同觀眾都鍾意慢工出細貨,會重古仔內容、故事創作同攝影技巧。不過對佢講,YouTube本身就係個『分享』平台。「無論你拍片技術好唔好,有冇故事內容都好,呢度本身就係『分享』地方,睇人真實生活片就好似自己都一齊經歷個過程咁,有人會留言:『我做咩要睇你生活?』咁我都想回答佢:『你咁唔想睇,又做咩click入睇?』」

 

Jason話自己講串串,但其實佢同其他YouTubers好老友。
Jason話自己講串串,但其實佢同其他YouTubers好老友。

 
內容延讀:

神童2分鐘教你做YouTuber

《新Monday》教你整 Dim Cook Guide易整七彩米通

Jason生活片好真實,好似呢條一次過開11個淘竇箱片咁,就算你有咁閒錢,都未必諗到買咁多物品!

 

因緣際會做YouTuber

Jason會走入YouTube界,都係由於「隨心」。話說佢中五畢業後,同其他同學一樣選擇出國留學,而佢就揀日本。「我揀日本只因我嫌美加、歐洲太遠,韓國又未好似而家咁hit;我識講普通話,所以唔揀台灣。最後篩剩日本,雖然我都唔識日文,不過鍾意打機同睇日本漫畫,算得上係最愛呢個國家囉。」

一讀4年,畢業後原本打算留日本工作,但就被爸爸召佢返香港幫手打埋家族生意。「但我返無耐,爸爸就退休兼結束埋間公司,我即刻加入失業大軍,好似被佢呃囉!不過我唔返香港,就學唔到咁多拍片剪接技巧。」原來Jason之後打過唔同散工,有時幫日本、香港公司做翻譯。「有次我幫謝霆鋒間後期製作公司做翻譯,因為佢搵日本導演、剪接師做示範。次係我人生第1次見識到點將1條原片剪成5個唔同風格製成片,真係大開眼界!之後就開始自己試下拍片同剪片放上YouTube。」

 

Jason初期作品中,佢最鍾意呢條《Army of Two》,因為當日拍係純粹為自娛;花3日去拍攝同剪接,所以印象最深刻。不過Jason話而家睇返,覺得時技術實在太差!

 

80歲都打機

Jason話自己係個「唔能夠做1件事太耐」人,就好似佢日本4年,就搬4次屋,YouTuber每日都接觸到新事物生活,對佢講係幾舒服。「我對1億呢個數字冇咩壓力,因為好多外國YouTubers只需要1個月時間就有1億點擊率,香港只因語言局限,受眾亦因此細,先會咁難到。緊我會拍番多生活片,少番打機片,回歸番我第1日做YouTuber本意。我係個好隨心人,唔會限制自己做咩,所以,如果有日唔想拍就真係會停工。但我好肯定1樣:我諗我到80歲都重會打機,因為我好鍾意打機!」

 

Jason話,打機片多人睇,就好似大家去機鋪睇人打機一樣,就算自己唔玩,睇人玩都過癮。


內容延讀:

神童2分鐘教你做YouTuber

《新Monday》教你整 Dim Cook Guide易整七彩米通

關鍵詞
Jasonwero大J

YOU MAY ALSO LIKE ...