00後最愛Byejack徐浩生終於強勢反擊唱腔指責？17字寸盡網民
廣告
24歲的創作歌手Byejack（徐浩生），唱風獨特又敢言，備受00後歡迎，去年被華納唱片公司發掘成為華納新人。Byejack一向主打歌唱風格係autotune，不過呢種風格似乎唔係個個受落，其後仲惹嚟唔少網民批評。近日Byejack就為另一個歌手同樣的批評嚟個強勢反撃寸盡網民，令網民懷疑佢係話中有語！
Byejack 17字寸盡網民咬字不清問題！
事源一位歌手留香瓊喺YouTube上傳的歌曲《火海》備受網民批評，指佢咬字不清「我好鍾意你啲歌，不過咬字清楚啲會更加好，加油」「好彩有字幕」「完全聽唔到依條羚羊唱咩」亦有網民支持留香瓊「你地咁鍾意睇字 點解唔直接睇書要聽歌？」「好鍾意呢首歌，呢種風格，呢種唱腔，請繼續」其後Byejack為留香瓊發聲，將網民留言「咬字唔清」放上ig story，仲反撃「要聽字正腔圓不如聽朗誦唔好聽音樂啦」
Byejack疑反擊話中有話：係咪以為自己係周杰倫
唔少網民對於Byejack呢番評論都認為佢話中有話，想借留香瓊一事反擊早前網民對佢的批評。因Byejack唱歌風格autotune，用喉音發聲，以致聽不清發音，經常被網民批評唔知佢唱緊咩等。此外Byejack呢番評論仲引起網民熱議「佢嗰啲叫音樂？」「聽唔明歌詞咁點解仲要聽廣東歌？」「事實係有例子唱好得過原唱，咬字正過原唱唔洗字幕」「搶口到」「係咪以為自己係周杰倫？」「連你唱咩都聽唔到，咁我仲聽你啲歌做咩?」「一句辣㷫音樂人系列」「我淨係聽音樂嘅使x你喺到唱呀？」不過都有網民支持Byejack「好多人對音樂嘅想像俾舊廣東歌樂壇框住，覺得一首歌唱歌詞嘅人聲、歌詞內容大於一切」
一齊聽吓00後最愛Byejack的歌：
關鍵詞
Byejack
圖片來源：ig＠byejackinorange資料或影片來源：youtube＠yejack
