一線搜查︳健身港男「瑜珈褲實驗」意見兩極：嘔心vs陽光朝氣

《一線搜查》實測男士穿瑜珈褲街上引途人奇怪目光：好不雅

前《東張》主持黃愷怡在HOY TV的《一線搜查》，近日找來健身教練Alvin穿著瑜珈褲在街上進行一場社會實驗，觀察「社會對男士穿瑜珈褲的接受程度」，以及向途人訪問意見。

健身港男瑜珈褲實驗 黃愷怡訪問途人意見：好現代

節目主持黃愷怡拿著一張男士穿瑜珈褲的圖片訪問路人，路人表示：「好嘔心，下體部份凸哂出嚟，男士最好加返條波褲喺出面」、「好嘔心，好不雅，睇落有啲唔舒服」； 亦有人認為「作為一個男性在公眾地方露出自己的私隱部位有啲奇怪，會比較吸引目光，不過喺現代社會又無乜嘢嘅」等。

健身教練穿瑜珈褲極吸睛

平日有穿著緊身褲做運動的健身教練Alvin，認為緊身褲舒適及方便。而節目組請到他身著瑜珈褲在街上拉筋，同時都引來途人的目光。

當節目主持人黃愷怡問到「為甚麼向Alvin投以異樣眼光」時，他們指：「唔太OK男仔咁著，如果太突又真係會引起注目」、「好少男仔咁著，嗰啲『底褲』嚟㗎嘛」、「年紀大接受唔到咁窄嘅褲」； 又有一名途人指：「無問題，陽光朝氣，展示自己驕人身段，OK㗎」等。

當事人唔介意畀人望

事後主持黃愷怡又問到Alvin有沒有介意別人的目光，他就表示：「我都唔太理會其他人目光，唔同人都有唔同諗法，別人點諗唔會介意，但要尊重他人的選擇」。他又指：「外國不論男女都會咁著，佢哋唔會太介意身型，只要有信心就得」等。

負責人：男女瑜珈褲剪栽用料不一

瑜珈褲負責人指出男女瑜珈褲設計不一樣的：「男士的瑜珈褲在用料上會採用密度、支撐度較高的布料； 剪栽上在前褲襠用上大塊布、會將前褲襠做得更深，可以將私人部位掩蓋得比較好」等。