黃心穎轉做歌手招募粉絲搞聚會 歡迎提問網民留言極絕核

黃心穎神隱4年 今年進軍樂壇

黃心穎今年撞正舊愛馬國明生日當天，無預警下宣布出歌，新歌《Crown Me》在情人節當天上架，一手包辦作曲填詞，以英文歌詞自嘲「naught」、「bitch」、「cheap」，忽然轉航道做跳唱歌手，已經夠晒耐人尋味。相隔四個月，上月再出新歌《沙包》，今次以「罪人」自稱「只要做一個麻木沙包好了」。更以歌手身份接受商台《叱咤樂壇》謝茜嘉等訪問，宣傳新歌！

黃心穎宣布搞歌迷聚會：好緊張

安心事件當中的許志安還在外地開騷試水溫，在港的曝光率少之有少。而黃心穎今年全力進軍香港樂壇，更與媒體大搞粉絲聚會，黃心穎在社交網轉貼消息大呼「好緊張」。該娛樂平台以粉絲招募方式，為黃心穎舉行粉絲聚會，預告主角會即席獻唱新歌。而參加辦法同抽電影戲飛相若，要在「招募粉絲」的帖文下留言想問黃心穎三個問題及tag兩位朋友，like and share這個post，便有機會被抽中。

「單位數」報名！網民：趁鄭秀文開唔成騷衝出嚟搶位？

吸引不少網民留言，但跟足指示表示想參加黃心穎粉絲聚會的，僅單位數字。大部分網民留言極其絕核，「出席嗰班全部係人哋老公」、「我幫你通知安仔」、「Sammi係咪神秘嘉賓？」、「趁鄭秀文開唔成騷，黃心穎就衝出嚟搶位」、「娛樂圈小強」、「係咪泥鯭啲粉絲去撐場？」、「1點解死唔同Sammi道歉？2點解仲發明星夢？3點解無人想睇你仲出嚟獻世？希望抽中我」、「睇咗成日，得一個半個跟足指示話想參加，呢個活動係咪直接取消？」、「我想去，帶定臭雞蛋」、「會去嘅只有麻甩佬」、「佢好勇，安仔都未敢咁張揚，佢就主動走入群眾，等畀人鬧」。

黃心穎歌迷會僅得3人撐場 背後原因係場地問題

黃心穎歌迷會舉行後引起全城熱討，事關影片所見，為心穎打氣的粉絲只有3位粉絲，場面望落去都頗為冷清！不過事後網民都發現原來係場地問題，因為睇返之前其他歌手都係一樣得3位粉絲到埸支持舉牌，如winka、細貓同埋曾比特等。

（圖片來源：YouTube@雅虎香港 Yahoo Hong Kong）