唔想打牌打到提早開年 即學10大麻雀題材電影金句

流行娛樂

廣告

每逢新年,不少香港人都愛圍埋打返幾圈過吓手癮,但當打緊麻雀嘅時候,播返套麻雀相關嘅電影,份外有氣氛!事實上,香港有不少電影都包含了麻雀元素,有幾部更加是以麻雀為主題,當中最經典的一套定非由劉德華主演的《嚦咕嚦咕新年財》莫屬。然而,除咗「人品好自然牌品好」以及「麻雀回來必有因」之外,其實仲有好多電影入面講過嘅對白都非常啱打牌嘅時候拎出嚟用,唔單止講出嚟引「雀友」共鳴之外,其實亦都學到牌技!

文:東方新地 | 圖:電影截圖 |編輯:odin

「人品好自然牌品好!」節錄《嚦咕嚦咕新年財》劉德華。

嚟自「麻雀大俠」嘅呢句,最主要是告訴大家打麻雀應有的態度,始終朋友間都是以耍樂為主,正如劉德華在電影中的另一句「爛牌有爛牌嘅打法」,再搭多句「有時贏錢未必開心嘅」,態度正確,真真正正體現出麻雀鬥智鬥力嘅真締!

(圖片來源:《嚦咕嚦咕新年財》截圖)
(圖片來源:《嚦咕嚦咕新年財》截圖)

「麻雀回來必有因!」節錄《嚦咕嚦咕新年財》劉德華。

學完打牌應有的態度,當然不少得學識摸爛牌兼同一隻打出又再摸回來的自我安慰說話,心情好咯,手風自然會更加得心應手啦!

即學十大麻雀題材電影金句 除咗「人品好自然牌品好」 你仲識幾多?
(圖片來源:《嚦咕嚦咕新年財》截圖)

「咩都冇做過就有錢收,你話打牌幾無謂呢!」節錄《嚦咕嚦咕新年財》古天樂。

雖然古天樂呢句嘅「設定」是他本身討厭打麻雀,但有時朋友之間聯誼,講句招積嘅說話攞個彩都無妨呀!

即學十大麻雀題材電影金句 除咗「人品好自然牌品好」 你仲識幾多?
(圖片來源:《嚦咕嚦咕新年財》截圖)

「八婆!你居然收埋四條底褲?」節錄《家有囍事》毛舜筠。

嚟到《家有囍事》,呢場毛舜筠與表弟表弟婦(關海山和李香琴飾演)及張國榮合演的「台灣牌」戲口亦相當經典,呢一句「八婆!你居然收埋四條底褲?」充分表現出輸牌而又保持態度嘅控訴。

即學十大麻雀題材電影金句 除咗「人品好自然牌品好」 你仲識幾多?
(圖片來源:《家有囍事》截圖)

「呢隻你冇㗎!雀呀!」節錄《家有囍事》毛瞬筠。

仲有呢一句,教識大家「一索」又稱之為「雀」!

即學十大麻雀題材電影金句 除咗「人品好自然牌品好」 你仲識幾多?
(圖片來源:《家有囍事》截圖)

「寧棄莫出銃!」節錄《雀聖》元秋。

到《雀聖》就更加經典,當中元秋教郭晉安打麻雀時施展出的「麻雀聖經」十大口訣,當中幾項更加是雀友當用的技巧!

即學十大麻雀題材電影金句 除咗「人品好自然牌品好」 你仲識幾多?
(圖片來源:《雀聖》截圖)

「人旺我亂碰!」節錄《雀聖》元秋。

即學十大麻雀題材電影金句 除咗「人品好自然牌品好」 你仲識幾多?
(圖片來源:《雀聖》截圖)

「牌尾食卡窿!」節錄《雀聖》元秋。

即學十大麻雀題材電影金句 除咗「人品好自然牌品好」 你仲識幾多?
(圖片來源:《雀聖》截圖)

「牌爛未必輸硬!人賤實有天收!」節錄《雀聖》元秋。

呢個打牌嘅態度,恰巧與《嚦咕嚦咕新年財》入面「麻雀大俠」嘅理念有所呼應!

即學十大麻雀題材電影金句 除咗「人品好自然牌品好」 你仲識幾多?
(圖片來源:《雀聖》截圖)

「我嘅綽號係麻雀影印機!」節錄《雀聖》誅章小蕙。

最後不得不提《雀聖》入面另一位較為配角的「誅章小蕙」,但凡你遇到不斷與其它玩家打出同一隻牌的情況,你都可以拋出一句「我嘅綽號係麻雀影印機」,雖然好無聊,但喺沉悶嘅氣氛之下,相信呢句能夠提供到些許緩和嘅作用,功效奇佳!

即學十大麻雀題材電影金句 除咗「人品好自然牌品好」 你仲識幾多?
(圖片來源:《雀聖》截圖)

圖片來源:電影截圖