Juno麥浚龍開騷避高音去到最盡！Autotune玩大咗網民勁失望！
廣告
最近流行利用AI技術模仿出唔同歌手cover其他人嘅歌，例如有「AI尹光」就唱紅咗《Dear My Friend》、《一人之境》，成為各大網民討論話題！日前麥浚龍（Juno）就同周國賢合體參加《852FES Awaken Music Endy Chow • Juno Mak》，相識多年嘅佢地首次合作開騷，不過事後就因為Juno呢個「舉動」引來網民好失望，究竟係咩即刻睇埋落去！
Juno唱高音直接望天！用autotune唱《耿耿於懷》網民形容「好癲」！
原來網民表示，估唔到今次演唱會Juno每首歌都有用autotune，仲話「我要聽autotune 我聽AI 尹光好過啦」、加上每逢歌曲有高音位就會去到最盡，「直接望天skip 左去又過到骨」。加上今次同好友周國賢開騷，對方早前有首作俾佢嘅歌《true romance》竟然無唱到，而二人合唱咗Juno嘅《雷克雅末克》同《從此世界多了一分鐘》，網民就好不滿最難唱嘅位又丟俾周國賢。不過地處未算低，最令網民驚訝就係當Juno唱出經典成名曲《耿耿於懷》嘅時候都係用autotune，形容「真係好癲」！
大部分網民感同身受 激讚今次好彩有周國賢Carry！
Po文一出即刻引來唔少正評，其他有份入場睇騷嘅網民都感同身受，留言話唔明點解今時今日要玩autotune玩到咁。不過好彩今次音樂會好彩有周國賢Carry到，仲話「就算缺氧扯曬蝦都出盡奶力擠粒高音出黎」，大讚佢唱live相比去以前進步咗好多。
樂迷期望Juno唔用Autotune更開心：「唱到走哂音都冇所謂」
睇番今次個騷嘅簡介係指Juno飾演AI與飾演人類嘅周國賢對壘，不過效果未必每位觀眾接受到。去到最後有自稱係忠實真粉絲嘅網民表示，睇完今次音樂會後如果Juno唔用autotune嘅話Fans更加開心，就算用真聲唱到走哂音爆哂咪都冇所謂，「唱咩歌我地都識接 上唔到咪隊咪比我地大合唱。」同時都有希望寧願Juno唔唱live專心出歌就得，留翻個幻想空間俾fans都好。
圖片來源：juno_mak@IG、koholaendy@IG
