魷魚遊戲真人版｜3大亮點 木頭人公仔變「西」樣 椪糖遊戲個個狂舔
廣告
Netflix韓國劇集《魷魚遊戲》（Squid Game）播出後大獲好評，Netflix乘勝追擊再推出《魷魚遊戲：真人挑戰賽》（Squid Game: The Challenge），11月22日正式上架！《魷魚遊戲：真人挑戰賽》共10集，先上5集，邀請咗456名英語參賽者競爭456萬美元，一齊睇吓3大亮點！
魷魚遊戲真人版｜1.「123木頭人」木頭人公仔變「西樣」
講到Netflix的《魷魚遊戲》當中其一經典遊戲「123木頭人」，其木頭人公仔，邪惡眼神的詭異女孩娃娃係劇中一大賣點。今次《魷魚遊戲：真人挑戰賽》同樣有呢款遊戲，首集即同參賽者玩，不過估唔到西化版的《魷魚遊戲》，就連隻公仔都西化埋，眼妝都比韓版濃咗！ 而首集的第一個遊戲已淘汰259人，超過一半人數！
魷魚遊戲真人版｜2. 椪糖遊戲個個狂舔
《魷魚遊戲：真人挑戰賽》第2集亦有「椪糖遊戲」，因為大家都應該睇過《魷魚遊戲》的關係，所以規矩改成4人一隊，要喺限時內達成共識，分配邊個揀最難的雨傘，其中亦有隊員因為不滿，寧願攬炒四人齊齊淘汰。而最大亮點就係，個個玩家一入場就瘋狂係度舔椪糖！
魷魚遊戲真人版｜3. 新遊戲－海戰棋
雖然《魷魚遊戲：真人挑戰賽》大玩劇中經典，但都有新遊戲玩，去到第3集個個以為玩拔海時，就有新遊戲－「海戰棋」（Battleship）玩！「海戰棋」係西方的猜謎遊戲，兩隊玩家選出隊長，隊長通過坐標輪流射擊對方玩家。
近日Netflix實行了什麼新政策？
首先，Netflix推出了新月費計劃，但卻引起了大眾網民的謾罵。之後，Netflix 再推出一項新的「個人帳户轉移」（Profile Transfer）功能，相信是為了打擊家庭共享帳號而舖路。
圖片來源：《魷魚遊戲：真人挑戰賽》、《魷魚遊戲》
