Jeffrey魏浚笙叱咤頒獎禮上獻唱成焦點 遭疑似鏡粉為護主圍攻

魏浚笙 獲前輩歌手肯定

魏浚笙Jeffrey 日前自資出歌《第一個迷》，新歌剛推出，Jeffrey便以表演歌手身份，在叱咤頒獎禮台上獻唱，更是首次唱現場，令不少以為靚仔未必有實力的觀眾對他刮目相看。不少圈中圈中前輩都留言大讚，包括林奕匡、前女子唱作組合的成員Robynn等， 藍奕邦都留言大讚「Jeffrey BB乜咁靚聲底，唱得架咩」，大家對首次唱現場的Jeffrey聲底及穩定性，都感到很驚訝，更指樂壇有救！

魏浚笙同MIRROR撞衫：人哋LV歐洲直送！

魏浚笙Jeffrey在叱咤當晚雖然只是表演嘉賓，但成為當晚焦點及話題。不過有網民發現有疑似MIRROR粉絲給負評，更留言狙擊Jeffrey，不但彈他歌藝好一般，更以獲得「我最喜愛的男歌手」的盧瀚霆Anson Lo比較，指教主好好多，要Jeffrey要好好向教主學習等等。有網民留言指Jeffrey當晚同MIRROR撞衫，「係咪陰謀論想做MIRROR第十三人？」不過即有網民反擊指Jeffrey套衫是出自LV，由品牌由歐洲直送，跟MIRROR搵人造衫完全不同。

「同客路就要打」

有網民認為鏡粉要攻擊Jeffrey係無可厚非，「有威脅同客路就要打，MC都係對象」，同時引來撐Jeffrey的網民留言反擊疑似鏡粉，「出道年資幾日，聲底厚已經贏咗一半鏡仔」、「出道一星期都好過四年」、「梗係睇番啲陽光味濃既型男啦」、「Jeffrey係男人都會覺得佢靚仔嗰隻」、「原來呢個世界上有人係完美，人又靚又有演技又唱到，感冒系歌手點追？」、「好心班鼻塞歌手練下歌，不過練都無Jeffrey咁好」。

魏浚笙自資六位數出歌做歌手

Jeffrey自資六位數出歌圓夢，他指一直喜歡唱歌，所以用積蓄去追夢，不但有學唱歌，請教張敬軒，曾在少爺逼的棟篤騷中演唱《命硬》，但叱咤上是首次現場以歌手身份獻唱自己的歌，相信能穩袋明年新人獎。