「鬼王」潘紹聰到訪新娘潭！堅錄到「朋友仔」講嘢叫帶佢走？！

新娘潭講鬼故探險 即錄到靈異聲音！

「鬼王」潘紹聰YouTube「恐怖在線返去舊事嗰度」最新影片帶大家再次到訪猛料新娘潭，而今次係帶埋一位山信師傅重遊舊地。潘紹聰表示原來呢位山信師傅當時仲未係師傅的時候，晚上喺新娘潭同一班朋友bbq講鬼故，再去探險，跟住食糖水時，竟然錄到一把奇怪女人聲，仲叫其中一位友人阿康帶佢去新屋！

「朋友仔」一路跟住去到糖水鋪 仲一齊坐車？

山信師傅話估計當時喺新娘潭應該已經被「朋友仔」一路跟住去到糖水鋪。事關當時師傅同阿康分別都係司機，車一班友人去食糖水，阿康就負責車一位女友人。揸車途中 ，同行的女友人聽電話，而電話對面友人就表示聽到女友人背後有位女士的笑聲「嘻嘻嘻嘻」，仲形容感覺係奸笑聲。

導演專業分析「奇怪女人聲」：來自另一個空間

潘紹聰將呢條片俾咗煒堅導演希望得知真相，導演就表示佢哋拍攝期間如果有時磁場吻合時係有機會錄到靈異嘢。而導演將片段放上專業後期剪接的程式睇吓係咪惡搞，分析「奇怪女人聲」片段，嗰把女人聲好明顯地係來自另一個空間，靜到好似喺錄音室錄咁，導演強調排除惡搞，今次真係有史以嚟非常清晰的「朋友仔聲音」！

潘紹聰與山信師傅決定到訪「新屋村」

潘紹聰與山信師傅決定事隔10年到訪新屋村，不過點知2人搵錯地方，所以最後就不不之咗，而山信師傅會再喺下集的新娘潭直播再次到訪新屋村招魂！

去片！

事後有觀眾再聽到女聲：「新屋村」

影片上傳後，有唔少觀眾留言指2人準備去新屋村問路時，竟再次聽到嗰把女聲話「新屋村」！「聽到有把女人聲話：新屋村 21:37」「係啊係啊!! 重複聽幾次都聽到，好似好堅下喎!」「聽到！好似同一把聲嚟」「頂，真定假呀，我都聽到女聲，新屋村」「聽到真心嚇親」「我都聽到，潘生洗唔洗了解下係咪有野需要幫忙」「試下用耳機你就可以聽到」