高海寧新劇唔做靚女反串演麻甩佬？紮胸兼剪短髮除狐味求突破擴戲路｜煲劇人生

Aug 12 2020

高海寧自參選港姐後加盟無綫，入行多年，曾參演各大小劇集，但主要都是扮演美女，又或者是第三者的角色，唯近年開始擴闊戲路嘗試不同類型角色，近日高海寧就與黃翠如一同拍攝新劇《七公主》外景，於劇中演麻甩司機的高海寧，不惜紮胸，頭帶Cap帽、衛衣配搭七分褲的造型佬味甚出，一反以往形象。

撰文、圖片：東方新地｜編輯：八卦妹（原文刊於：東方新地）

高海寧封胸除狐味擴戲路

同唔少花旦一樣透過選美入行的高海寧（高 Ling），幾年前高 Ling開竅，決定封胸唔再刻意露肉，不過收起最煞食武器，亦要捱過低潮。據知情者透露：「高海寧唔想再刻意賣弄身材，初期都受盡冷眼，有人質疑佢唔賣身材，仲有乜嘢睇頭，不過佢好努力，雖然嗰時工作少咗，但佢寧願一步步嚟，就算只係接到一個小角色，佢都好用心揣摩，希望用演技去被人肯定，近年佢演技昇華，逐漸多咗人留意，好多監製用佢，多咗好多演出機會！」

無綫花旦凋零，一班姐仔力爭上位，近年演技得網民激讚的高 Ling，就大有機會出線，其實早在她擔演女一的第一套劇《婚姻合伙人》，高 Ling演被黃德斌強姦後，在廁所爆喊一幕已經被網民激讚，贏盡口碑。 — 無綫花旦凋零，一班姐仔力爭上位，近年演技得網民激讚的高海寧，就大有機會出線，其實早在她擔演女一的第一套劇《婚姻合伙人》，高海寧演被黃德斌強姦後，在廁所爆喊一幕已經被網民激讚，贏盡口碑。

在《金宵大廈》單元《鴉烏》，劇中做虎媽的高 Ling，因兒子東東消失，連在人們的記憶都被抹走，連場傷心欲絕情緒失控戲，演技爆發！ — 在《金宵大廈》單元《鴉烏》，劇中做虎媽的高海寧，因兒子東東消失，連在人們的記憶都被抹走，連場傷心欲絕情緒失控戲，演技爆發！

做慣靚女的高Ling，為拍《七公主》演麻甩貨Van司機，除了將短髮剪得更短睇落更粗魯，為怕導彈身材破壞角色，還專登紮胸上陣，衞衣下真的成功減Cup。 — 做慣靚女的高海寧，為拍《七公主》演麻甩貨Van司機，除了將短髮剪得更短睇落更粗魯，為怕導彈身材破壞角色，還專登紮胸上陣，衞衣下真的成功減Cup。

首次做貨Van司機的高Ling，不單要將外形、舉止改變，還要控制一部貨Van，見佢坐喺司機位，動作及姿勢都非常豪邁，麻甩司機入型入格。 — 首次做貨Van司機的高海寧，不單要將外形、舉止改變，還要控制一部貨Van，見佢坐喺司機位，動作及姿勢都非常豪邁，麻甩司機入型入格。

本來身材突出的高Ling，刻意紮胸下側面睇D奶唔見咗。 — 本來身材突出的高海寧，刻意紮胸下側面睇D奶唔見咗。

為拍劇完全將自己淑女形象放下的高 Ling，花了不少時間揣摩角色，現場所見，她每個動作都感覺 man爆。

為更神似紮胸演麻甩司機

繼續搏殺期，近日高海寧便為新劇《七公主》開工，日前同劇中另一公主黃翠如一齊出外景，在劇中演貨Van司機的高海寧，為劇中粗魯角色將頭髮剪得更短，一身衞衣、長褲，戴上Cap帽相當粗豪，當日除了和翠如拍攝一場在街上的拉扯戲，高海寧亦要拍攝駕駛貨Van戲份，舉手投足都相當麻甩，為了演出更神似，原來高海寧為角色紮胸上陣。據高Ling好友透露：「以前高海寧好貪靚，唔鍾意演醜角，但近年佢開咗竅，最緊要角色有發揮，最近拍緊《七公主》，監製同佢講角色要好麻甩，叫佢剪男仔頭，又提議佢紮胸以免出來效果，身材太突出唔夠Man，高海寧都一口答應。」從前曾在訪問被問到會否紮胸拍古裝片，當時高海寧揚言怕紮到個胸變形拒絕，現為事業犧牲，付出必定有回報，捱足十二年的高Ling，一定最清楚！