體能之巔賽果疑造假！亞軍鄭海民哭訴爆製作組3大問題
廣告
體能之巔造假丨Netflix人氣運動真人騷節目《體能之巔：百人大挑戰》上週播出最後一集後，冠軍最後落係混合健身選手禹秦熔，過五關斬六將拎走3億韓幣獎金！不過近日韓國論壇就爆出節目製作組係總決賽嘅拉繩賽中，疑將賽果造假，Netflix亦立即已發官方聲明，否認並強調未有以不當手段操控賽果，其節目製作人日前（28日）在IG出po表示先感激過去一年團隊嘅努力，「用大話可以變得好出名，但決定不能成為事實。」亞軍鄭海民之後接受記者訪問就提到，因爲見到製作人嘅留言，所以決定公開事件經過，立即引起網民議論紛紛！
體能之巔造假丨1.禹秦熔因音響問題要求暫停
係最後一關拉繩賽中，第一次停賽係因為禹秦熔中途突然向製作組表示輪軸唔順，想暫停比賽檢查，但事後未有發現問題。之後禹秦熔投訴輪軸聲音過大雜音全部入咪，最後製作單位替雙方輪子上潤滑油。到之後第三次中斷，係製作組音訊出問題而要求暫停。鄭海民表示當時自己嘅繩子比禹秦熔拉多3倍，「當時我已經就快無力，所以拒絕製作組建議重新比賽，佢哋話我拉得多對我有利，為咗公平會幫我剪走拉出黎嘅繩，對方都有同意。又話可以遷就我擇日再比賽，但當時有過百人係現場，我講唔出呢句。」
體能之巔造假丨2.究竟製作組有無剪無從得知
製作組整理好音響問題後繼續重新比賽，但當時究竟鄭海民嘅輪軸上嘅繩有無剪走到，連佢本人都話無從得知。原本領先對手禹秦熔嘅鄭海民，分分鐘變相由頭玩過。
體能之巔造假丨3.製作組無完全公開完整片段
鄭海民表示當時重新比賽未知係設備問題定自己無力，繩子點拉都拉唔到嘅突發情況，製作組一幕都無播出感到好委屈，「當初接受製作組建議前，口口聲聲話可以幫我，但我同佢地講呢個情況竟然話參賽者唔可以干涉剪輯，我十分後悔決定。」佢強調唔係想拎冠軍同獎金，亦唔係要攻擊禹秦熔，「我只係想佢哋播出點解我輸嘅過程，一個美好嘅回憶，因爲作為運動員，比賽竟然略過所有過程只播出失敗片段，完全係無法接受。」
《體能之巔：百人大挑戰》有哪些參賽者？
體能之巔有100位參賽者，各自都來自不同領域，有國家代表、奧運金牌選手、格鬥選手等。當中有10位大熱奪冠及人氣選手…詳情請看
《體能之巔：百人大挑戰》賽果疑造假？
近日韓國論壇就爆出節目製作組係總決賽嘅拉繩賽中，疑將賽果造假，Netflix亦立即已發官方聲明，否認並強調未有以不當手段操控賽果，其節目製作人日前（28日）在IG出po表示…詳情請看
圖片來源：IG@Netflix、《體能之巔：百人大挑戰》截圖、
