馮盈盈獲麥玲玲贈言「明年搵到真命天子」:真係充滿希望!公開擇偶條件

流行娛樂

廣告

馮盈盈早前跟麥玲玲、李丞責等出席節目《天天開運王》宣傳活動,麥玲玲師傅更即場贈言馮盈盈,指她來年愛情運好好,馮盈盈笑言:「真係充滿希望!」同時又公開自己的擇偶條件,到底要咩條件?即刻睇睇!

撰文:東方新地|圖片:東星圖片、新傳媒相片庫|編輯:海月|原文刊於:東方新地

馮盈盈獲麥玲玲贈言「明年搵到真命天子」:真係充滿希望!

馮盈盈:佢話我來年愛情運好好

馮盈盈日前出席無綫節目《天天開運王》宣傳活動,獲麥玲玲師傅贈言,指她應該在2022年有機會搵到真命天子,對此馮盈盈笑言:「佢話我來年愛情運好好,咁做藝人桃花運除咗愛情,工作同貴人都係人緣桃花,佢都話我事業新一年會更加好,真係充滿希望。暫時未搵到Mr. Right之前,我就專心工作,唔諗呢啲,直到遇到先再諗啦!」

獲麥玲玲贈言明年搵到真命天子 馮盈盈:真係充滿希望
馮盈盈話好開心自己去年由年頭旺到年尾,希望新一年更加忙碌,事業可以更上一層樓。

被問到擇偶條件?馮盈盈續說:「多謝大家關心我嘅愛情發展,一定要幽默搞笑,令我開心,大家一齊相處開心係最重要嘅。」

獲麥玲玲贈言明年搵到真命天子 馮盈盈:真係充滿希望
馮盈盈指桃花運方面要隨緣:「目前我好享受單身嘅生活。」

而提到曾拍拖四年的舊愛鍾文浩(Martin)日前舉行婚禮,馮盈盈大方送上祝福說:「係喜事,祝福佢哋,除咗祝福都係祝福。」

獲麥玲玲贈言明年搵到真命天子 馮盈盈:真係充滿希望
馮盈盈指自己最近工作比較忙,冇特別Send短訊去祝福舊愛。

新聞多係好事

馮盈盈說新一年希望少一點是非:「我請教過節目入面五位玄學家,佢哋話呢個世界冇咩係冇得化解,不過師傅話新聞比較多其實係好事,證明我有人氣、有Talking Point,我可以好自信咁講,永遠有我嘅新聞,無論瀏覽度、討論度、分享同Like都特別多,多謝大家關注。」馮盈盈又否認自己係「新一代姣精」:「只係啲人話我係啫,唔代表我係,冇一個人係!」

獲麥玲玲贈言明年搵到真命天子 馮盈盈:真係充滿希望
睇真啲,著住無袖旗袍嘅馮盈盈,胳肋底有啲烏卒卒!

麥玲玲師傅又為大家提供新一年的開運錦囊,表示在西面放大葉或水種植物可增財運,北和東南方不要動土以免影響健康,想要桃花就在南面放鮮花。她指整體上大家經濟及各方面都比去年好,不過屬羊的藝人拍動作戲時要加倍小心,容易遇到意外損傷。

獲麥玲玲贈言明年搵到真命天子 馮盈盈:真係充滿希望
麥玲玲笑指來年娛樂圈會有好多結婚同生仔喜事。

麥玲玲又指結婚已近六年的Angelababy(楊穎)與黃曉明婚姻依然有風險,她說:「佢兩個都係屬蛇,相差12年,除非聚少離多,否則長期壓力都好大,非常困難兼要花時間去溝通,我睇係高風險嘅一對。」

獲麥玲玲贈言明年搵到真命天子 馮盈盈:真係充滿希望
麥玲玲指Angelababy和黃曉明婚姻屬高風險,是因為兩個都屬蛇,相差12年。

舊愛舉行簡單婚禮

馮盈盈的前度醫生男友鍾文浩(Martin)與有「翻版徐子淇」之稱的黃潁妍(Ashley)在上月30日於愉景灣酒店舉行簡單婚禮,由於疫情關係,現場只有雙方約十數名親友出席見證兩人簽紙結婚,有指Ashley已辭去空姐工作,準備婚後安心做少奶奶。

獲麥玲玲贈言明年搵到真命天子 馮盈盈:真係充滿希望
黃潁妍被指三年前曾報讀TVB藝員訓練班,但最終落選。
獲麥玲玲贈言明年搵到真命天子 馮盈盈:真係充滿希望
馮盈盈同鍾文浩曾拍拖四年,當時馮盈盈經常高調晒愛,三句唔埋便將「寶寶」(鍾文浩暱稱)掛在嘴邊。
獲麥玲玲贈言明年搵到真命天子 馮盈盈:真係充滿希望
和鍾文浩分手後,馮盈盈曾被指撻著娛樂主播鄭衍峰發展地下情,但之後有傳兩人在電視城化妝間吵架被多人目擊,傳至高層耳邊,被急召照肺,最終馮盈盈決定狠斬情絲分手收場。