馮盈盈帶鄭衍峰入《#後生仔》齊齊做節目奉旨拍住拖開工｜頭號粉絲

Jul 24 2020

廣告

馮盈盈同大隻主播鄭衍峰（Leonard）這對緋聞男女，早前就被媒體影到一部車兩份揸，返工放工出雙入對，而近日就有指馮盈盈帶挈鄭衍峰（Leonard）加盟無綫節目《#後生仔傾吓偈》做主持，莫非是無綫放寬，讓他們奉旨拍住拖開工。

撰文：東方新地｜圖片來源：馮盈盈IG、鄭衍峰IG｜編輯：八卦妹（原文刊於：東方新地）

關係再進一步

馮盈盈同鄭衍峰前後腳喺IG放甜蜜合照，宣布男方加盟《#後生仔傾吓偈》次餘，更被指高調認愛。

《#後生仔》本來只得6號陸浩明一個男主持，喺馮盈盈Hard sell下，鄭衍峰靠黐加盟，呢張相6號簡直係電燈膽。 — 《#後生仔》本來只得6號陸浩明一個男台柱主持，喺馮盈盈Hard sell下，鄭衍峰靠黐加盟，呢張相6號簡直係電燈膽。

馮盈盈同鄭衍峰嘅戀情疑幻似真，即使影到佢哋同車返盈盈香閨，又同車返無綫開工，但佢兩個都話只係好朋友，不過最近關係好明顯已經進一步，仲日喺社交網不停晒恩愛！

早前馮盈盈同成班小鮮肉一齊上節目被成個抬起，都係由鄭衍峰托住佢身體嘅重要部位。

早前鄭衍峰喺生日當天公開二人穿著同款唔同色嘅情侶Tee合影短片，女方亦不避嫌上載新相寫住「20200713 Happy Birthday」，公然隔空傳情賀男友生日。

鄭衍鋒早前生日，在社交網公開與馮盈盈的親密合照，二人更穿上不同顏色的情侶Tee。

一張生日大合照，清楚看到二人的情侶Tee，拍拖行徑非常高調。

馮盈盈更在鄭衍峰成日當天在IG出Po為男友慶生。

早前馮盈盈再次上載出海滑水相，大家留意吓塊綠色滑浪板。

差唔多時間鄭衍峰亦出海滑水，塊滑浪板都係緣色，乜咁啱嘅！

幫奀星男友升呢

其後鄭衍峰同馮盈盈先後喺社交網上載一張同盈盈嘅合照，見佢兩個含情默默咁望鏡頭，隔籬仲有個大心心，原來為咗宣布鄭衍峰加盟無綫節目《#後生仔傾吓偈》其中一個叫「乜戀都傾」嘅環節，同成班後生仔傾吓愛情觀。

高層樂易玲對馮盈盈愛護有加，早前更一齊慶祝生日，唔知馮盈盈有冇趁機為男友美言幾句呢？

據知馮盈盈為幫鄭衍峰上位爭取出鏡機會，一直向高層及監製落足咀頭hard sell，想男友有上位機會唔再做奀星，拉近二人距離，唔好畀人再話係女尊男卑。不過睇鄭衍峰個樣同條件，真係好難上到一線囉！

鄭衍峰唔係靚仔不過傳佢有啲家底，做咗奀星幾年黐到馮盈盈，終於有運行。

關鍵詞

後生仔傾吓偈鄭衍鋒馮盈盈鄭衍峰