馬浚偉受鄰居噪音滋擾長達一年:投訴無用反被對方報警 網民:我隔離又係咁!

流行娛樂

廣告

不少香港市民長期受鄰居噪音滋擾,原來藝人馬浚偉原來也是苦主之一。近日他在網上大呻被噪音滋擾長達一年多時間,投訴無用反被對方報警,不少網友表示有同樣經驗,睇睇咩事!

撰文:Lmc|圖片:馬浚偉@IG&facebook、香港住所噪音滋擾受害者大聯盟@facebook|編輯:海月

馬浚偉受鄰居噪音滋擾:做人係咪畀人蝦到上面都唔出聲呢?

早前大年初三赤口,馬浚偉於社交平台開Live大呻受樓上鄰居噪音滋擾,更長達一年多時間,當中包括睡房、廳、走廊等不斷傳出「啪啪啪」巨響,無日安寧,十分慘。更慘是馬浚偉致電管理處投訴,但居然沒想到鄰居反過來報警,馬浚偉無奈表示:「太自以為是,佢覺得冇製造噪音,佢覺得係合理,佢話忍受唔到,佢同管理員講,叫我搬走話買起我單位。你影響唔到我情緒,但做人係咪畀人蝦到上面都唔出聲呢?」

馬浚偉致電管理處投訴,但居然沒想到鄰居反過來報警
馬浚偉致電管理處投訴,但居然沒想到鄰居反過來報警
馬浚偉於社交平台開Live大呻受樓上鄰居噪音滋擾,更長達一年多時間
馬浚偉於社交平台開Live大呻受樓上鄰居噪音滋擾,更長達一年多時間

原來今次已不是第一次,馬浚偉多次投訴,對方都沒有改善。管理公司曾該單位發出警告信,又多次報警都沒有得到幫助。馬浚偉於去年3月開始搜證,齊集證據後準備新年後交予律師向該單位發出律師信,作民事訴訟。他提到:「我做呢件事唔單係為自己,而係希望可以喚醒政府或組織,你睇我開專頁,幾多人留言話畀噪音滋擾?但佢哋有冤無路訴,佢哋甚至唔知點處理。同埋你估個個有錢搵律師民事訴訟?樓上劉太同管理員講佢好有錢,咁我相比佢一定係窮啦,我惟有盡力搵錢請律師幫手。」

馬浚偉提到:我做呢件事唔單係為自己,而係希望可以喚醒政府或組織
馬浚偉提到:我做呢件事唔單係為自己,而係希望可以喚醒政府或組織

馬浚偉又公開劉太深夜拍門拜訪的短片,疫情下劉太竟然除下口罩口沫橫飛,他表示所有對話亦已錄下來作記錄。

不知是否因受噪音滋擾,有網民在馬浚偉IG相中表示:馬仔瘦左既....
不知是否因受噪音滋擾,有網民在馬浚偉IG相中表示:馬仔瘦左既….

不少網友留言身同感受,長期受噪音滋擾而求助無門。馬浚偉更開設「香港住所噪音滋擾受害者大聯盟」的專頁,他希望今次挺身而出,希望社會正視噪音滋擾事件。網友大讚馬浚偉:「感恩有你為苦主出心出力。」、「大力支持!終於有同路人!為咗呢個問題禱都祈左成兩三年!多謝馬同學!」目前專頁已有近4千人讚好。

馬浚偉受鄰居噪音滋擾長達一年:投訴無用反被對方報警 網民:我隔離又係咁!

馬浚偉更開設「香港住所噪音滋擾受害者大聯盟」的專頁
馬浚偉更開設「香港住所噪音滋擾受害者大聯盟」的專頁