馬國明、湯洛雯8月結婚？拍拖半年傳足3次！網友：聽到煩　湯洛雯哭笑不得唯有咁樣回應

馬國明、湯洛雯8月結婚？拍拖半年傳足3次！網友：聽到煩　湯洛雯哭笑不得唯有咁樣回應

馬國明和湯洛雯拍拖短短半年，已經傳出三次結婚消息，日前又傳出二人即將在8月結婚，事緣有傳媒影到二人新居監工睇裝修，加上早前湯洛雯暗示如果馬明冧莊視帝便結婚。

 
報道又指二人近日已開始向身邊人報喜，馬國明好友，包括鄭嘉穎、黃嘉樂、林子善與及唐詩詠都已經收到通知。不過因為準新郎要拍《白色強人2》，7月才完成拍攝，婚禮暫定在8月舉行。

 
對於日前又傳即將結婚，湯洛雯就表示：「冇啲咁嘅事。佢（馬國明）日日開劇邊度有時間，反而係我媽咪日日去睇裝修啫，因為嗰度係我同屋企人住㗎。」而馬國明也回應表示未結婚，多謝關心。

 
屢傳結婚，湯洛雯也冇啖好氣，她曾在IG Story貼出大笑Emoji，表示「又嚟？」似乎十分無奈。

 
除了湯洛雯，一眾網友亦表示聽到煩厭，留言：「真心講到煩。」、「成日煲水，悶唔悶呀？」和「日講夜講多數離婚收場。」不過也有人覺得馬國明已快50歲，如果合適也是時候拉埋天窗。有些網友更分析湯洛雯最愛是舊愛羅天宇，留言講到：「其實你結唔結婚關我乜事啫，搞到好似大新聞咁，以女人直覺，湯不是對馬明好有感覺，不過年紀大左，好過冇啦羅天宇，湯就真係中意他啦，倒貼都即嫁俾佢。」