香港小姐2022｜5名佳麗中招 決賽延期舉行 網民：係咪避緊啲咩？
TVB發出的聲明如下：
《2022香港小姐競選》大會接獲5位候選佳麗受2019冠狀病毒感染消息，大會已即時安排各候選佳麗作核酸檢測，嚴格遵守防疫抗疫措施，暫停各項目綵排及宣傳工作，以保障候選佳麗、台前幕後團隊、與及參與者免進一步感染。
大會同時宣布原定周日（9月4日）晚上8時30分舉行之《2022香港小姐競選準決賽》將延期舉行，以騰出充裕時間待受感染者康復並繼續投入競選活動。
電視廣播有限公司
企業傳訊部
2022年8月30日
（圖片來源：tvb聲明截圖）
網民：想避開香港開電視？
香港開電視近年開拍不少備受熱討的節目，除咗搞開電視版《東張西望》、開電視版《3日2夜》、歌唱選秀節目之外，最近仲大搞選美節目！節目日期撞晒TVB《香港小姐》，又力吸TVB舊將過檔，搵到TVB前高層余詠珊、《3日2夜》監製張志明開節目，宣戰味重！開電視的選美節目仲要相當有睇頭，係水著選美，搞到唔少網民都認為TVB今次係想避戰！
開電視選美勝出者將獲藝人合約
開電視搵TVB前監製領軍舉辦選美節目，據知現正招數十位養眼模特兒、KOL參與節目，勝出者將得到藝人合約，而且直接加入開電視版《3日2夜》旅遊節目《重新出發》。
日前《香港小姐競選2022》19位佳麗首次以泳衣示人
「爆炸頭」Astrid徐麟、何思懿身形最豐滿
港姐著泳裝，第一眼自然會聚焦喺佳麗身形，今屆上圍最豐滿嘅佳麗分別為「爆炸頭」徐麟同何思懿，上圍數字同樣係35吋。對於擁有豐滿上圍會唔會更自信，徐麟表示唔同身形有唔同風格，唔會特別去比較邊位佳麗靚啲；何思懿就大讚好多位佳麗身形都好好，亦好滿意特訓成果，但仲想減多3公斤。
「星二代」林鈺洧驚現巨腩
林鈺洧爸爸係林俊賢，作為「星二代」佳麗，參選前已備受傳媒關注。林鈺洧因為做過模特兒，所以呢日著泳衣對鏡頭基本上都好淡定，不過同眾佳麗合照時突然鬆咗一下，就俾傳媒影到個巨腩，同特訓後嘅纖細手腳形成極大對比。林鈺洧事後接受訪問，佢透露參選後體重一共減咗7公斤，但對自己身形都未算滿意，因為而家淨係食少少水果，肚腩仔都會現出嚟，睇嚟佢呢個月喺修身方面要再加把勁喇！
立即重溫19位佳麗泳裝片段
19位佳麗經過一輪特訓著泳衣，都算有啲睇頭，你又睇好邊個？
1－7號佳麗全身照
8－13號佳麗全身照
14－20號佳麗全身照
