【香港小姐2021】「佛祖」Kirsten霍韻璇二輪退賽？！東涌羅浩楷 IG、Youtube曝光！深藏不露曾做歌手出過兩隻CD！

要數《香港小姐2021》最受人矚目佳麗，一定係林作提名嘅Kirsten霍韻璇！不但因為只講英文，更聲稱自己「Come from Tung Chung（東涌）」，據釋Kristen係中國、西班牙、菲律賓混血兒。加上一臉佛相及撞面羅浩楷而獲封為「東涌羅浩楷」及「佛祖佳麗」。今次霍韻璇嘅IG終於被曝光，而且內裡更有大量自拍、舊照、素顏相、童年照等，唔少自拍照中都風格狂野偏愛鬈髮。
唔少網民指霍韻璇Kristen POSE獨特，個人手勢同樣貌都好有「佛氣」，而將佢封為「佛祖」。而霍韻璇Kristen嘅IG自我介紹更寫明自己係「Musician音樂家」，而且更親自作曲作詞兼唱、創作近40首歌曲，以LENAR BATA之名出過Album同Single，而且流平台Spotify及KKBOX都有得聽！

Youtube Channal：https://www.youtube.com/channel/UCyGq8PUIEIu3oXJCAABEBNw

霍韻璇Kristen喺個人IG唔只有自拍照，亦有好多日常生活照，而亮相公眾短短幾日經已有fansclub，Kristen更喺IG親自感謝fans。

另外霍韻璇Kristen嘅哥哥雖然貌似「沙僧」，不過亦非常錫細妹，亦以藝名LENAR MITCHELL之名發表過6首歌曲。個人擅長吹木童笛，同妹妹兩人非常音樂才華。

]

最後雖然林作日前喺網上曾表示「霍小姐」入圍二輪港姐，不過事後林作又解釋跟霍韻璇其實不相識兼冇聯絡，而打入第2輪港姐嘅「霍​小姐」係指Bronte。

又再反轉早前林作又出POST：

各位，我地唔可以俾Kirsten就咁離去。
今朝，我搵唔到佢，似乎冇出現喺港姐第二輪面試。
我決定眾籌俾TVB，以贊助形式代表港人懇求加個位俾佢進入決賽。
如果每人出100元，我地1000人就會有10萬，1萬人嘅，我地會有100萬。
一百萬嘅贊助，我估，佢一定可以喺決賽，帶俾我地最大嘅歡樂。
DM我攞眾籌link吧。幸福，係要自己爭取嘅！
Kirsten, we support you!

而早前TVB港姐二輪見面會中，的確未見「佛祖」Kirsten霍韻璇現身，看來今次真係退賽喇！