【香港小姐2020】18位佳麗終齊集電視城 2位海外佳麗完成14日隔離正式登場｜頭號粉絲
廣告
《香港小姐2020》將於8月隆重舉行，16位本地佳麗早已努力備戰，而日前，有兩位海外佳麗亦無懼疫情，分別從蘇格蘭及美國飛來香港，並完成14日隔離，終正式蒲頭現身無綫電視城，現就同大家看看這兩位佳麗的外貌及來歷吧！
撰文：東方新地｜圖片來源：TVB ｜編輯：八卦妹（原文刊於：東方新地）
《香港小姐2020》海外佳麗終登場
好嘢就緊係壓軸出場啦！講緊《香港小姐2020》最後兩位入圍嘅海外佳麗，今日無綫再開網上記招，宣布兩位海外佳麗完成十四日隔離後終於可以見人。首先出場係由美國洛杉磯來港嘅22歲張盈悅(Joyce)，大學畢業嘅佢真係好似咩都唔知，懵懵吓咁出場，樣同身材都係普通民女一個，驚喜度係零，驚嚇度反而有。
蘇格蘭的白衣天使
緊接出場來自蘇格蘭嘅謝嘉怡(Lisa)終於可以令觀眾集中精神目不轉睛望住個「芒」，25歲係手術室護士，混血靚樣身材有肉地，行出嚟真係殺晒，網民眼睛都好雪亮，個個讚口不絕，睇嚟謝嘉怡以秒速成為頂頭大熱。
不得不提，謝嘉怡嘅提名人係肥媽Maria Cordero，原來肥媽個仔同佢爸爸係好朋友，點計佢都算係有後台，有傳無綫高層都一致睇好謝嘉怡，仲勒令佢要減肥，謝嘉怡日前去整頭時就承認正在減肥中，會食得清啲同埋跟住網上健身班做運動。
