《香港小姐2020》廖慧儀被落選港姐賴琦媛忠粉鬧姣婆 Jessica孖男友、侯嘉欣還擊掀罵戰|頭號粉絲

流行娛樂

廣告

香港小姐2020》日前已舉行第三輪淘汰賽,十強港姐正式誕生,而在節目《港姐有問題》中,廖慧儀汪明荃加持讚有冠軍相,隨後又成功入圍十強,未知是否樹大招風而遭人眼紅,從而被網民追擊大鬧「周圍勾引男人、絞(姣)婆一個」,但廖慧儀亦不甘示弱孖男友還擊,就連落選佳麗侯嘉欣亦有幫拖,大家一來一回互相還擊,瞬間變成罵戰。

撰文:東方新地|圖片來源:廖慧儀IG、賴琦媛IG、《港姐有問題》截圖、TVB、香港小姐2020截圖|編輯:八卦妹(原文刊於:東方新地

《香港小姐2020》10強誕生迎準決賽

《香港小姐2020》由最初逾百位參加者,經過重重難關,多輪的面試及考驗後,12位佳麗在24日於無綫電視城內舉行第三輪的淘汰賽,她們先以泳裝會見傳媒及網民,隨後就由陸浩明及林溥來 (Patrick Sir)讀出最後10強佳麗;根據大會公布的三圍數字,大熱佳麗廖慧儀(Jessica)以35吋上圍成為最大胸佳麗,另一同是35吋上圍則是微胖佳麗鄺美璇,廖慧儀由參選以來一直被睇高一線,就算被爆在私處有紋身,亦獲無綫開綠燈繼續參賽,泳裝環節以厚粉遮住紋身,就連汪阿姐都點名讚佢有冠軍相,被指是內定三甲不無道理。

 

香港小姐2020, 源菲然, 羅雪妍, TVB, 廖慧儀
《香港小姐2020》最後10強佳麗誕生:陳煦凝、陳楨怡、何孟珊、郭柏妍、鄺美璇、廖慧儀、麥詩晴、謝恩靈、黃婉恩、謝嘉怡

 

落選甫士王侯嘉欣幫拖

人氣之高卻有人眼紅,近日廖慧儀貼出泳裝相卻遭網民圍插係姣精,鬧爆「大家小心啲呢個尿慧儀,周圍勾引男人,好賤格,姣婆一個」,又話佢男友戴硬綠帽,而廖慧儀亦不甘示弱逐一回擊「讀好啲書,學吓寫字先」,而男友Sam亦現身為女友護航:「你哋發表啲咁冇品嘅言論,不停侮辱一個你哋不相識嘅人,然後再話人串你打錯字好無品」,而落選佳麗侯嘉欣亦幫拖,同時廖慧儀的粉絲團幫手還擊之餘,更揭爆造謠酸民原來是被foul走的「寸嘴Ivy」賴琦媛的粉絲,大家一來一回互相還擊,瞬間變成罵戰。

廖慧儀Jessica身高168cm,上圍35吋,由參選以來一直是人氣王。
廖慧儀Jessica身高168cm,上圍35吋,由參選以來一直是人氣王。

 

 

廖慧儀參選以來一直公開已有男友。
廖慧儀參選以來一直公開已有男友。

 

廖慧儀在IG不時貼同男友合照放閃。
廖慧儀在IG不時貼同男友合照放閃。

 

阿姐加持內定冠軍? 大熱港姐廖慧儀被網民喪插 孖男友還擊

 

 

貼靚相出po卻遭日惡搞叫「尿慧儀」又指佢係姣婆一名,不過廖慧儀亦不甘示弱回覆該名網民叫佢讀多啲書。
貼靚相出po卻遭惡搞叫「尿慧儀」又指佢係姣婆一名,不過廖慧儀亦不甘示弱回覆該名網民叫佢讀多啲書。
廖慧儀無端端被網民追擊,EQ勁高嘅佢逐一回覆,好有態度。
廖慧儀無端端被網民追擊,EQ勁高嘅佢逐一回覆,好有態度。
廖慧儀男友Sam出頭為女友還擊。
廖慧儀男友Sam出頭為女友還擊。
在上一輪與賴琦媛被foul的侯嘉欣,就留言支持廖慧儀,被網民狂讚唔應該被foul,被foul應該係廖慧儀,侯嘉欣出面還拖回覆:請問關你咩事?相當有義氣,兼睇得出廖慧儀人緣不錯。
在上一輪與賴琦媛被foul的侯嘉欣,就留言支持廖慧儀,被網民狂讚唔應該被foul,被foul應該係廖慧儀,侯嘉欣出面還拖回覆:請問關你咩事?相當有義氣,兼睇得出廖慧儀人緣不錯。
有網民睇唔過眼爆留言攻擊者係賴XX的忠粉。
有網民睇唔過眼爆留言攻擊者係賴XX的忠粉。
在廖慧儀的舊相中見到腰間近恥骨位紋了玫瑰花,她解釋是今年初紋身是為了悼念死去的愛貓。
在廖慧儀的舊相中見到腰間近恥骨位紋了玫瑰花,她解釋是今年初紋身是為了悼念死去的愛貓。
唔止有紋身,還有臍環
唔止有紋身,還有臍環
廖慧儀以三點式亮相時,以厚粉令紋身「被消失」。
廖慧儀以三點式亮相時,以厚粉令紋身「被消失」。
用厚粉遮紋身
用厚粉遮紋身
廖慧儀同是一位瑜伽教練,故練得一身紮實肌肉。
廖慧儀同是一位瑜伽教練,故練得一身紮實肌肉。

汪阿姐點讚有冠軍相

《香港小姐2020》最後十強終於誕生,日前在《港姐見工有問題》節目中接受汪明荃及鄭裕玲考核的港姐中,廖慧儀更脫穎而出受到汪阿姐加持大讚有冠軍相,亦告順利打入十強,雖然被揭在私處有紋身,但仍獲無綫開綠燈繼續參賽,狀態更愈戰愈勇,不知汪阿姐能否開口中呢?

廖慧儀被阿姐讚有冠軍相,立即開心到不得了。
廖慧儀被阿姐讚有冠軍相,立即開心到不得了。

相關文章:

《香港小姐2020》三點式泳裝出場 大眼妹源菲然淘汰出場 最後10強誕生迎準決賽!|頭號粉絲

寸嘴Ivy被foul即爆大鑊

《香港小姐2020》網上投票進入最後階段,第二輪淘汰再篩走三名佳麗,隨後又在24日再篩走兩名,最後十名佳麗便正式進入準決賽,而在第二輪被淘汰的是非港姐賴琦媛,向來寸嘴,落選後在社交網爆大鑊,大控訴被人攻擊,對自己落選一事更反問十萬個為甚麼?明顯心有不甘。

周一進行第二輪淘汰,賴琦媛(右)及海外佳麗張盈悅同告出局。
周一進行第二輪淘汰,賴琦媛(右)及海外佳麗張盈悅同告出局。
以即場揭曉形式宣布能入圍十二強佳麗名單,相當殘忍。
以即場揭曉形式宣布能入圍十二強佳麗名單,相當殘忍。
侯嘉欣、張盈悅及賴琦媛齊齊出局。
侯嘉欣、張盈悅及賴琦媛齊齊出局。

賴琦媛開聲恨加入主持《後生仔》

日前第二輪港姐篩選中,賴琦媛、侯嘉欣及張盈悅當場被foul,而賴琦媛其後在社交網先多謝投票給她的網民,然後設立問答環節,逐一在IG回答,當有網民問不明她會被淘汰時,她回覆:「十萬個為甚麼會唔會答到呢個問題?」有網民安慰她今次失敗不要氣餒時,她就話:「我唔認為今次係失敗﹗」明顯心有不甘,對於網民問題,她不改寸嘴,問她三圍時她答「天水圍南生圍大圍。」有網民關心她會否加入娛樂圈發展,賴琦媛就咁答:「我想發育多啲囉﹗」但就明言想自薦加入無綫節目《#後生仔傾吓偈》,又話「希望將來再有機會喺電視見到我」。

落選港姐賴琦媛爆選美黑幕 寸嘴Ivy控訴:我成為鏢靶,被人攻擊
網民追問她會否加入娛樂圈,她表示暫時只想做好女兒角色,表明唔恨入行,不過轉頭又開到聲話想加入《後生仔》。

 

落選港姐賴琦媛爆選美黑幕 寸嘴Ivy控訴:我成為鏢靶,被人攻擊

IG爆炸seed:「人情似紙紙張薄﹗」

回覆網民回應時對被淘汰一事表現到相當介懷,賴琦媛再發文多謝大家支持,並寫道:「人情似紙紙張薄,世事如棋局局新」,參選以來未有跟其他佳麗合照,人情紙咁薄似有所指喎。相隔一日寸嘴Ivy再發長文爆seed揭選美黑幕,直指被人刻意抹黑、攻擊,直指「不論與我有關或無關,我已經成為鏢靶」,又委屈表示:「有時有些解釋是不必要的,眾口難調」,字𥚃行間有感被屈:「不是所有誤解都必須澄清,不是所有人都配得到你的解釋。」不過仍不改寸嘴話唔係所有人配得上佢去親自解釋,不知是否指被影到食煙、亂掉煙蒂的相是被捏造?最後更以「清者自清」及引用名人說話作結,似指自己其實是一個有內涵的人呢﹗

煙民形象深入民心,亦有網民抵死問佢係咪鍾意食煙?佢就答人會「戒咗佢﹗」。
煙民形象深入民心,亦有網民抵死問佢係咪鍾意食煙?佢就答人會「戒咗佢﹗」。
回覆網民時,順道騷自己著低胸晚裝的相,大派福利。
回覆網民時,順道騷自己著低胸晚裝的相,大派福利。

「如果Benz都算名車我係成日坐」名車論一出成就寸嘴Ivy

20歲的落選港姐賴琦媛(Ivy)一直形象麻麻,更有寸嘴Ivy之稱號,在第一輪面試時被問到有名車接送時回應:「如果Benz都算係名車,咁我係成日坐嘅﹗」司儀陸浩明問咁邊啲算係名車?賴琦媛就答:「我心目中瑪莎拉蒂先算係名車囉﹗」寸嘴本色初現。面對傳媒時一直自信滿滿嘅Ivy,其後被安排著Deep V晚裝示人,身材相當豐滿,她貫徹寸嘴本領:「大唔一定好﹗」寸嘴Ivy之名非浪得虛名。及後被傳媒影到在車上煲煙,歎完煙更隨手掉在地上,被揭是煙民兼做垃圾蟲,Ivy回應此事時歉意表示會戒煙,又指只是受不到朋友引誘才食,絕非長期有吸煙習慣,但有指她食煙時手勢純熟,Ivy寸嘴不減:「手勢純唔純熟唔可以定斷係咪長期有食,總之我會戒﹗」

身形嬌小的賴琦媛,穿上大會安排的確Deep V晚裝才知是有料之人,不過佢寸嘴話:「唔係大就一定好﹗」
身形嬌小的賴琦媛,穿上大會安排的確Deep V晚裝才知是有料之人,不過佢寸嘴話:「唔係大就一定好﹗」
除了寸嘴馳名之外,變臉都係賴琦媛的強項,其IG內張張相個樣都唔同,就算參加了港姐選舉現了真身,還是沉迷P圖。
除了寸嘴馳名之外,變臉都係賴琦媛的強項,其IG內張張相個樣都唔同,就算參加了港姐選舉現了真身,還是沉迷P圖。
P到自己下巴變冰插的賴琦媛,同朋友撞晒樣,果然物以類聚。
P到自己下巴變冰插的賴琦媛,同朋友撞晒樣,果然物以類聚。

 

撰文:東方新地|圖片來源:廖慧儀IG賴琦媛IG、《港姐有問題》截圖、TVB香港小姐2020截圖

 

廖慧儀舊愛Sam疑因情困輕生事件詳情?

當年廖慧儀舊愛Sam因情困輕生,事後千字遺書曝光,而當時廖慧儀在舊愛Sam死後隔8小時終回覆Sam的妹妹但非慰問。

廖慧儀如何成功復出繼續上位?

在今年6月,積極洗底的廖慧儀陸續獲解凍,日前更成為無綫娛樂新聞台主播,之後更轉攻J2有份擔正的真人show…詳情請看