韓國女神韓韶禧細一歲妹妹曝光 網民：外貌唔似有血緣關係！

韓韶禧親妹曝光 網民：2人係咪無血緣關係？

韓韶禧於IG story曝光細一歲的親妹妹IG，並寫上「讓我自豪的妹妹」，引嚟大批網民熱討。事關網民都認為女神韓韶禧的妹妹同韓韶禧分別甚大，甚至留言認為2人好似無血緣關係咁！不過仔細啲睇，兩姊妹其實係「異曲同工」，神態同臉型等都相似，亦都係高冷系美女。

神韻都似似哋？！

關係超好？搞笑留言「你是誰？怎麼不像我妹妹」

粉絲仲發現韓韶禧同妹妹感情似乎好好，韓韶禧仲成日喺妹妹ig度搞笑留言「你是誰？怎麼不像我妹妹」「想用右拳」然後妹妹都會無視韓韶禧唔回覆佢。

韓韶禧出身坎坷 背負重債

韓韶禧父母喺佢5歲時就離異，由外婆養大，隻身到首爾打拼追演員夢，四處打工賺學費，出道後被揭一直幫母親還債，母親亦不斷以女兒的藝人名義借錢，令韓韶禧捲入債務風波，最後2人都要法庭相見，判定其母親的債務與韓韶禧無關，韓韶禧為此亦感到非常抱歉，成件事令人聯想起韓劇《黑暗榮耀》中女主角的母親。