韓裔KOL Sue Chang經歷2次整鼻失敗：成個假體穿咗出嚟！

Sue整鼻失敗：第一次身體嚴重排斥

Sue分享佢2015年時就去韓國整過個鼻，整完之後反應好大，Sue表示自己成個頭好腫得好勁，後來個鼻仲生咗粒類似「水泡」的嘢，有試過睇醫生放咗入面啲液體出嚟，但都係有粒「水泡」喺度，所以sue第一次手術係並唔成功，因為佢身體發炎同埋有排斥，所以半年之後就將個假體拎返出嚟，但搞到個鼻有一個凹位同埋整個鼻睇落去係「歪咗」。

Sue再嚟第2次重建都係失敗 成個假體穿咗出嚟！

Sue 相隔4年後有不斷去打針，但因為始終覺得個鼻唔夠立體，再去到2022年12月再次進行第2次的「重建」。今次喺香港的大醫院搞，一開始事情似乎發展順利，但去到後來有日發現個鼻的傷口出現咗一粒「硬物」，點知原係個假體穿咗出嚟，醫生再次叫佢拎返個假體出嚟。所以同樣係大約半年之後即係2023年4月再次拎咗個假體出嚟，整個手術5萬幾，sue笑言係每個月一萬元。而家個鼻只係剩返耳軟骨喺入面，就係2015年時第一次喺韓國整時一次過放入去。

Sue建議大家唔好做整鼻：要接受原本的自己

Sue經歷2次的失敗後，已經睇化咗，第一次時心情好差仲爆喊，令佢抑鬱咗一段時間。Sue除咗分享經歷之外，都建議邊啲人唔適合做呢個手術，同埋建議大家唔好做整鼻的手術，要接受原本自己「接受不到素顏的自己，後果將不堪設想。」 觀眾睇完Sue呢條影片後都大讚Sue好勇敢，而且好感動「睇sue既呢種講內心話既片，成日都好似睇緊心靈雞湯咁❤硬係搞到人地好感動，希望大家都可以活得自在，欣賞自己本來獨一無二既美」「Sue，多謝您既分享..您真係好勇敢!!」「聽完你講自己嘅故事好感動，希望你可以透過呢條影片提醒自己，唔好再有第三次，因為你已經好完美，好靚，整同唔整係我哋粉絲心目中都一樣咁完美，Sue做最真實的自己」「你真的好勇，好欣賞你去整的勇氣，同時勇於面對自己失敗，還公開分享的勇敢」

一齊睇片啦！