韓君婷蔡國威秘密同居 曾經歷塌鼻、患抑鬱厭食、更痛失至愛!|頭號粉絲

流行娛樂

廣告

現年44歲的韓君婷當年當選亞姐冠軍,之後投身娛樂圈拍劇,事業運平平,愛情路都不太順心,初戀男友患肝癌離世,之後拍拖最後都是分手收場,媽媽亦於早年因病離世,令她大受打擊。不只如此,韓君婷更患上抑鬱厭食症,亦曾在浴室滑倒仆崩鼻要做手術,導致容貌跟以前有很大變化,令她的自信心大跌!不過最近她找到愛情滋潤,被影到與「六合彩之子」蔡國威秘密同居,更指對方陪伴她走過人生低潮。

撰文:東方新地、iluvhk|圖片來源:新傳媒圖片、韓君婷IG(原文刊於:東方新地

韓君婷蔡國威秘密同居 曾經歷塌鼻、患抑鬱厭食、更痛失至愛!

韓君婷前幾年留在新加坡生活,約4年前回流香港,轉行做醫學美容中心OL,至此變得低調,甚少公開露面。最近韓君婷被影到與「六合彩之子」蔡國威孖住睇傢俬再返回家,展開同居生活,韓君婷看起來非常sweet添!

韓君婷
韓君婷去年44歲生日,男友蔡國威送上蛋糕祝賀。(圖片來源:韓君婷IG)
韓君婷
韓君婷又相約蔡國威一起行山。(圖片來源:韓君婷IG)

據知二人識於微時,22年的友情在亞視開始,由多年老友升格變成男友。蔡國威見證了韓君婷在愛情路上的跌跌碰碰,默默陪伴在身邊,願意當個傾訴者,最近更索性共賦同居,而在多個聚會上,都可以見到韓君婷與男友的蹤影,二人成為戀人關係早已不是秘密。

回顧韓君婷早年生活 曾被影到獨自祭亡母

回顧韓君婷多年來的人生路,一直都不是一帆風順,早年曾被《東方新地》影到獨自一人含淚祭亡母,孤身隻影相當淒涼,而今找到個伴,身旁有人照顧及開解,相信大家也會替她開心!

韓君婷
三年前回流香港的韓君婷,本來又高又挺的靚鼻變成鼻骨歪曲而且鼻翼收窄,整個樣子也因而改變。
韓君婷
近月見韓君婷的塌鼻因皮膚增生已有好轉,據知因為未有香港整形醫生有信心為她整回以前的靚鼻,韓君婷惟有繼續等。

重拾家庭溫暖

孻女孻心肝,韓君婷返港後,其母不時由新加坡來港照顧她,去年更決 定留港生活,可惜卻發現肺癌已到末期,侍母至孝的韓君婷更辭工陪伴母親行 最後的路,母親走後,她需要很長時間才能接受事實。早前韓君婷踩單車去和 合石拜祭亡母,見她一早去買花買祭品,拎到一袋二袋去到母親的龕位前,細 說自己的近況,雖然對住空氣說話,但卻感受到她與母親的深厚感情。趁著韓 君婷離開時,本刊記者上前採訪,她亦大方回應,表示一有時間就會去拜母 親,對於母女最後相處的時光,韓君婷感受至深,「照顧媽咪最後嘅路,我深 深感受到愛一個人,除咗細心照顧,仲要有好多原諒同包容,我提佢食藥,佢 會嫌我煩,我哋成日有拗撬,不過兩母女最後都會冇事。我返香港選亞姐入行 嗰段時間,家人唔喺身邊,原來我忘記咗家嘅感覺,親人就係開心共處,有拗 撬但又會氹番大家,係佢令我重拾呢種感覺。」

韓君婷
日前韓君婷在粉嶺墟的花檔親自揀花,然後再去酒樓買燒味飯,為拜祭亡母做足準備。

為照顧母親,韓君婷近年花了很多時間,她承認母親臨終前最擔心就是 她,她說:「有時佢會覺得因為我要照顧佢,所以唔出去識男仔拍拖,我同佢 講我唔係掉低自己嘅感情,只係未係時候,當我準備好,就會去追求自己要嘅 嘢,佢都明白遇唔啱就唔好勉強。媽咪雖然擔心,但佢都放心,佢向來對我 好有信心,亦知道咁多年嚟我要做到嘅事我一定會做得到。我哋兩母女性格 都好強,我好似佢,唔會開口埋口講 愛,但我哋會直接行動,佢會拖住我隻 手講:『聽日我想自己行吓,不如你都去 玩唔好咁早返屋企!』有時大家挨住大 家,拖住慢慢行,已經感受到愛。」

韓君婷
身為明星的韓君婷,踩住單車經過一班修路工人,自然被行注目禮。
韓君婷選
這日韓君婷選擇踩單車去和合石墳場,超過30分鐘的路程,要上斜又落斜,其實都幾辛苦,難怪鬼妹熱到要除褸。

當年返港後正式露面的韓君婷,面容有變,本來甜美的樣 貌,因為塌鼻而被指變得怪樣,更有指她整容失敗,為此韓君婷已 多次澄清是因為在浴室滑倒而令鼻骨嚴重受傷,最不幸是入院醫治 時被細菌侵蝕,萬中無一的意外令她的鼻變成這樣,靚樣一去不返,韓君婷已懂得學會接受不完美的自己,「人係會有高低起跌,對於過去嘅嘢,我學識接受。之前個鼻搞到咁,喺香港冇一個醫生完 全有信心可以整番好,早前終於畀我搵到個美國醫生,但去年媽咪 嘅醫療費用花費好大,而去美國做手術要好多錢,我暫時唔能夠負 擔得到。其實遲啲整都唔緊要,以前我個樣可能有100分,依家得70 分都ok嘅!我會勤力啲做嘢搵錢,希望儲到錢可以整番好個鼻。其實之前我做咗一個皮膚增生療程,做完之後發現個鼻嘅組織有增生到,依家個鼻有好轉,可能大家亦睇慣咗,順眼番。」

到達和合石,韓君婷穿回外套,不經意露出纖腰與玉腿,43歲的鬼妹,其實算keep得唔錯。

韓君婷
韓君婷來到母親的龕位前,第一時間踎低對著亡母的照片打招呼,而她左手一直拎住母親生前掛在手袋最愛的熊公仔。

拋低包袱做醜角

事隔多年,韓君婷重返演藝事業亦遇上不少阻滯,難得她仍抱 住百分百的正能量,揚言甚麼角色都願意嘗試,「工作方面我係向前 望,依家主要接啲司儀同主持工作,如果電視台有角色容納到我,我都好願意去拍,我知道靚女角色已經唔輪到我,做醜角、做 人阿媽、要執紙皮嗰啲角色我都ok㗎!我已經掉低晒所有包袱,以 前嗰啲冠軍、鬼妹仔、女神,好高嘅位置, 搞到自己條路窄咗,依家我可以做唔同範 疇嘅嘢,希望用演技令大家另眼相看。」 除了積極回歸幕前,韓君婷近月在社 交網亦非常活躍,不時自拍下廚短片放上 網,分享整麵包、蛋糕及各國美食,實行 轉型做美食KOL,原來她自小對烹飪便非 常有興趣,現在更會自家鑽研食譜,落手 落腳擺好機位拍攝之餘,就連拍片剪片都 一腳踢,其實韓君婷周身刀,唔賣樣一樣 可以殺出新血路。

之後韓君婷又拿出母親臨 終交給她照顧的植物,她想話畀媽咪聽自己把植物照顧得很好,不用擔心。

韓君婷
韓君婷拿出黃色布為母親的龕位清潔一番,期間見她喋喋不休,似乎有很多事情要對母親訴說。

當日她買了母親生前最愛吃的燒肉飯,又帶來親手焗製的鬆餅孝敬母親。

韓君婷蔡國威秘密同居 曾經歷塌鼻、抑鬱症、更痛失至愛!|頭號粉絲

發放正能量

早年韓君婷患抑鬱離港搬去新加坡,與母親生活後重拾健康人生,之後她回流香港,母親又跟她返港照顧,直至去年母親病重,韓君婷一盡孝道,辭去工作陪母行最後的路。

韓君婷蔡國威秘密同居 曾經歷塌鼻、抑鬱症、更痛失至愛!|頭號粉絲

韓君婷
因為一次意外跌傷鼻,韓君婷被指整形失敗,因為樣子有變更被指指點點。早前她自拍短片澄清鼻塌真正原因,更自我鼓勵及給予有同樣問題的人發放正能量,叫大家不要在意別人眼光,積極生活。

黃金時期

97年成為亞姐冠軍的韓君婷,樣子甜美性格率直,多年來時肥時瘦,曾在最肥胖之時被冠上「籮霸」、「巨躉」之類難聽的外號,之後成為纖體公司代言人,以最弗身材示人,可惜其後因感情問題患上厭食症,離開香港去新加坡療傷。

韓君婷蔡國威秘密同居 曾經歷塌鼻、抑鬱症、更痛失至愛!|頭號粉絲

轉型做美食KOL

回流香港後,韓君婷曾從事醫學美 容行業,成為美容達人,但近幾個月她已轉型為美食KOL,不時在社交網上載下廚短片,教人整嘢食,似模似樣,絕對係入得廚房。

韓君婷

韓君婷
韓君婷全家都西化,最喜歡吃麵包,所以她整得最多就是麵包同蛋糕類。
韓君婷
為了詳細教大家煮食技巧,每個步驟都好清晰,韓君婷仲自學剪片,愈來愈專業。
整嘢食令韓君婷重拾人生方向,她表示3歲開始已跟父親學搓麵粉,多年來亦會鑽研改良食譜。
整嘢食令韓君婷重拾人生方向,她表示3歲開始已跟父親學搓麵粉,多年來亦會鑽研改良食譜。
韓君婷
連泰國的大蝦冬蔭功,韓君婷都識煮。

立即回顧:

韓君婷整形新哲學:我有錢,想點用就點用!

身著deep V長裙嘅韓君婷去年出席醫學美容活動,笑言:「又要拍攝又要搞網站,因為想share多啲嘢畀網友。」問佢係咪想做美容界KOL (Key Opinion Leader)?韓君婷話:「一半一半啦!因為係幫公司做嘢,身份都有啲特殊,有時出席活動都要做一啲幕後工作!」

講到打肉毒桿菌嘅效果,韓君婷表示:「今次係去眉心皺紋,效果好好,打咗幾次大家都唔覺。」問到有冇其他想改善嘅地方?韓君婷話:「坊間啲人最想打晒成塊面,但我唔想做到零皺紋,咁樣太假,所以我同醫生講眼角位一定要keep番少少紋,唔係笑起上嚟就會好假!」

韓君婷
韓君婷接受肉毒桿菌注射,改善眉心紋,佢話唔會打晒成塊面,因為咁樣睇落去好假。
韓君婷
對於自己身材韓君婷就話好滿意,冇咩地方要改善。

唔介意評論

韓君婷話可以接受整形,亦唔介意其他人嘅評論:「其實你做咗啲咩嘢、冇做啲咩嘢,唔輪到人哋去評論,當你能夠肯定自己、相信自己嘅時候,就會去話番畀啲人聽:『It’s not your business!我有錢、我想去做,錢係我勤力搵番嚟嘅,我可以點樣去用就點樣去用囉!』」

韓君婷
獲讚係不老女神,韓君婷話:「我都覺得自己好幸運,因為有先天嘅遺傳優勢,我媽咪都係保養得好好。」
韓君婷
韓君婷又直言整容係好個人嘅取向:「冇人可以逼到你,最緊要係自己開心同身心健康。」佢仲同大家分享佢好相信嘅座佑銘:「Live better, feel better, look better!」