「微辣清泉」霍哥單身7年終出pool！？網民揭一個行為暗示得米娜美！

Jul 13 2023

被封為「微辣清泉」的霍哥，最近經常同娜美兩人出雙入對，早前喺IG攬到實，又拍片「送上門」，令唔少網民認為二人過曬電正在熱戀，不過霍哥最終都係無承認。近日霍哥又孖娜美出post，仲要一齊同遊台灣，再次引起網民熱議：佢哋一定有路！

霍哥霍哥與娜美早前蜜遊澳門，合照sweet到爆。 — 霍哥與娜美早前蜜遊澳門，合照sweet到爆。（圖片來源：IG@jeffreyfok_224）

霍哥堅．出手娜美同遊台灣

霍哥近日出貼文表示「台灣之旅～～」，第一張相就係同緋聞女友娜美的合照。唔少眼利的網民即刻留意到今次合照似乎曝光2人關係，原因係今次霍哥真係「出手」！之前唔少美女都興同霍哥玩「古惑的手」合照，扮被霍哥攬腰。不過今次同娜美的合照就唔同，係霍哥的手攬住娜美。娜美被霍哥攬腰，個人輕輕靠住霍哥，右手似乎都有回應霍哥，照片中2人露出甜笑。

霍哥霍哥近日出post「台灣之旅～～」 — 霍哥近日出post「台灣之旅～～」（圖片來源：IG@jeffreyfok_224）

網民：今次堅攬腰喎！仲帶埋一齊去旅行，仲唔係女友？

照片一出即引起網民熱議，紛紛恭喜霍哥得米抱得美人歸，仲係咁叫霍哥快啲承認戀情，並表示一定會祝福2人「真霍手！」、「今鋪真·霍哥隻手」、「通常一個大話過得多，多人講就會變成真。所以我相信霍哥而家係有女」、「表情唔同左應該真係一齊左」、「今次堅攬腰喎！仲帶埋一齊去旅行，仲唔係女友？」、「霍哥你係咪拍拖呀，係就講岀黎啦。個個都會祝福你哋㗎」、「恭喜霍哥搵到真愛」、「霍哥廚房應該已成歷史，變霍美廚房」、「個個都第一時間都係放大黎睇係咪真係阿霍隻手」、「佢哋一定有路」、「抱得美人歸！」、「咪以為淨係fok哥攬住，其實nami都有架」。不過都有網民認為霍哥都係脫唔到單，原因係見到娜美衣領上有帶咪，指兩人可能只係一同去工作。加上除咗第一張合照外，第4張有出現manner的blackjoe，笑指娜美只係煙幕「點睇都係似同joe一齊多啲」。