雷深如J.Arie坐飛機十級戒備惹熱議 大呻忍尿挨餓唔除罩13小時無人同情

流行娛樂

廣告

雷深如J.Arie 以言行大膽出位見稱,近日出埠美國開騷,她自爆在飛機上十多小時,全程不敢除罩,不敢進食,連廁所都不敢去!雷深如J.Arie 落機第一時間分享此經歷,此舉惹來網民熱議,紛紛留言批評她「驚成咁,唔好出街㕸!」

雷深如 雷深如早前分享近況,日前已飛美國LA。
雷深如早前分享近況,日前已飛美國LA。(圖片來源:FB@雷深如J.Arie)

雷深如J.Arie飛美國開騷

隨住各地通關,香港隔離措施放寬,不少港人紛紛衝出香港感受無罩的自由。而雷深如J.Arie為菊梓喬在美國洛杉磯開騷任嘉賓,場騷於22 日舉行,雷深如日前出發前往當地。她在社交網分享「我喺飛機13小時,冇除過口罩,冇飲過水,冇食過嘢,冇去過廁所」,並指落機第一時間衝去買burger。

雷深如 雷𣶶如去美國任菊梓喬音樂之夜的嘉賓。
雷𣶶如去美國任菊梓喬音樂之夜的嘉賓。(圖片來源:FB@雷深如J.Arie)
雷深如 雷深如分享十三小時不飲不食不如廁之經歷,落機第一時間衝去醫肚,被網民笑她不是第一時間去廁所。
雷深如分享十三小時不飲不食不如廁之經歷,落機第一時間衝去醫肚,被網民笑她不是第一時間去廁所。(圖片來源:FB@雷深如J.Arie)

雷深如J.Arie被網民恥笑匿喺屋企最安全

網民未有戥佢雷深如J.Arie辛苦, 未有畀like更瘋狂派嬲,瘋狂留言嘲諷她是「防疫L」,連粉絲都表示認同,留言洗版話埋一份:「咁驚就最好連街都唔好出,留喺屋企搵個袋笠住自己最安全」、「仲好意思講,一個口罩戴十三個鐘邊度仲有效」、「落到LA著番套防疫套裝先好出街呀」、「落機除口罩食嘢就唔驚?」、「點忍到十三個鐘唔痾屎,搞到腎病一樣開唔到騷」、「如果係為咗唔想病同養聲,又點會落機就食勁熱氣嘅burger呀?雙重標準」、「搭飛機真係好危險,美國都好危險,你快啲扯啦!」、「搞到尿道炎中尿毒,仲慘過中招啦」等。

雷深如 被網民問她是否戴口罩演唱?
被網民問她是否戴口罩演唱?(圖片來源:FB@雷深如J.Arie)

曾公開M底 到訪當地SM用品店

雷深如 雷深如趁未開騷,第一時間到當地SM用品店。
雷深如趁未開騷,第一時間到當地SM用品店。(圖片來源:IG@jarieliu)

網民代為解釋 愈講愈唔通

有網民為雷深如J.Arie 解釋指她只是不想有任何閃失,而影響演出,其實是一個有責任心的人。不過卻被其他網民群起反駁,「如果佢咁驚,就唔好喺街外進食啦,食落肚仲危險」、「為咗個騷就更加要食得清淡啲啦」、「係有責任心就忍多幾日,等做完騷先瘋狂食,咁先唔會影響把聲同狀態啦。」

雷深如 雷深如為演出順利,坐飛機時十級戒備。
雷深如為演出順利,坐飛機時十級戒備。(圖片來源:FB@雷深如J.Arie)
雷深如 雷深如在當地見到粉絲會係點呢?
雷深如在當地見到粉絲會係點呢?(圖片來源:FB@雷深如J.Arie)

圖片來源:FB@雷深如J.Arie、IG@jarieliu