雷深如自爆考車牌考咗1x年 網民驚膽心 獲封「考牌界KOL」

雷深如考車牌考成11年

雷深如J.Arie近日po出自己的駕照，表示自己終於甩p牌，表示自己好耐無揸車，而個車牌佢由18歲開始考，一直考咗11年，到2019年先考到，今年終於正正式式拎到車牌，足足經歷咗成15年，超誇張，仲叫大家「出街睇路啦」！

原文：

喺考完車牌但冇揸過車之下，甩P好感動

由18歲考完筆試再考路試，考咗11年，2019終於考到車牌。而家2022年再終於攞到正式10年車牌，經歷咗15年

人生有幾多個15年，好滾動！！！

接住落嚟…..

大家出街睇路啦

今晚9pmJ仔直播間見

網民：讀書叻真係唔代表一切

雷深如呢個11年考車經歷震撼唔少網民，認為雷深如出名才女讀書叻，但竟然連考個車牌都考咗11年，「假假地都hku law grad，廢x到」「考個廢牌考十五年應該要驗腦」「不如唔好累人啦好嘛」「考左11年先考到 知咩料啦」「唔係講笑，你不如搭的士喇」「有無每天行程更新……可盡量避免同區」「想知你11年考咗幾多次」「港聞版見」「考咗咁耐都肥就好放棄啦，唔好累人累自己，揸車嘅嘢冇天份就係冇天份，今次比你考到係好彩，但揸車唔係講玩，人命尤關，自己考慮清楚好唔好揸車出街吧」「恆心是重要，但請唔好害人」「1A都咁難考咩？」「考牌界kol」

雷深如回應：仲未有車!

雷深如對於網民的擔憂就回應佢雖然係考到車牌甩到p，但佢仲未有車，叫大家唔駛太擔心。