陸浩明雖然今次有錯 不過大家都係想著眼返個「源頭」|頭號粉絲

流行娛樂

廣告

陸浩明日前就在無綫節目《後生仔傾吓偈》中,竟「口快過腦」表示2003年香港是沙士病毒源頭,從而惹起廣大網友的不滿,紛紛去到他的社交平台上留言指罵,雖然6號已在網上連環發文道歉,但網友的怒火卻未見熄滅。

撰文:NM_海月|圖片來源:TVB、麥明詩Facebook、Ben Sir Facebook

陸浩明獲Ben Sir同麥明詩發文力撐

 

 

陸浩明
Ben Sir在社交平台上發文撐6號

今次Ben Sir同麥明詩都喺網上發文 以行動力撐

Ben Sir:
出呢個post之前我都要諗過度過,雖然我唔出聲冇人話我啞,雖然我照出聲亦吹我唔漲,因為我係任性嘅。

陸浩係我拍檔,一齊做過3輯ben sir睇樓團,做過talk show, 做過ben sir研究院,彼此間建立咗某種關係。對於佢講錯嘢,認錯兼盡早道歉,呢種做法我係欣賞嘅。

我亦唔可以唔撐佢,因為我哋要拍bensir睇樓團第4輯。之前反送中期間,亦有KOL照樣瀨嘢,姑勿論表唔表態。

藝人、KOL,以至社會每個階層都搞到咁分化,千錯萬錯個源頭一定係隻臭X!

(利申:我下次做節目強烈要求不要配字幕!)

陸浩明
Ben Sir 及6號合照

 

 

麥明詩:
【別太鞭屍】
Ben sir話齋,唔講嘢冇人話我啞;我亦都知道我講嘢對我冇任何好處、唔討好、攞唔到光環,但或許我現在比較少顧慮,所以忍唔住講多句:真係希望大家可以把槍口對翻准啱嘅位置。

陸浩係我合作咗幾年嘅前輩,說實話佢一直照顧後輩,有幾次我同fyy出大show出錯佢都幫我地補獲carry我地;當然,講到良知嘅時候唔可以被私人感情左右;佢呢一次佢固然係大錯特錯,但佢緊接講錯嗰句之後,佢係話「係因為有個廣州人喺內地食…」然後yy話「係佛山」;資料都未必係啱,但係可見應該係一個口誤,佢當時應該係知道由內地傳落黎。

當然,呢個口誤好嚴重、佢責無旁貸;而陸浩亦即刻出黎道歉。大家可能對於佢同某些其他前輩嘅關係而有所意見,比較圓滑係佢做人處事嘅方式,但係佢點都係一個試過喺《後生仔》大嗌「唔好搞我後面」、一直專注香港市場、專注做廣東話節目嘅主持。

佢係錯,而我之前未睇清楚段片就評論咗都係錯,剪接組冇修正係錯,字幕組照配字幕係錯… 但希望大家關注咗呢件事之後,可以將關注放喺啲真係黑心、不道德、埋沒良知嘅人上面。謝謝🙏

#香港不是沙士源頭
P.S. 會向監製表達,應該喺節目上面澄清番。

補充:唔係話道咗歉就等於冇事,絕對係有事;講一個比喻,殺人都有分謀殺同誤殺;誤殺所做嘅傷害都係永不磨滅,但比起謀殺,誤殺唔deserve坐同樣甘多年監。佢絕對需要面對同埋承擔後果,但更應該需要面對同承擔後果嘅應該係謀殺嗰啲人!

陸浩明
麥明詩FB原文

 

 

麥明詩大解放出席品牌活動失手著錯衫?

10A港姐麥明詩經常被指夠貼地,而甚得民心,日前她獲邀出席活動,席上歎美食貴酒,出席嘉賓還有陳凱琳、「微辣」多姐、蔣怡、馬天佑等,大家均以橙、紅色dress code主題現身。麥明詩穿上低胸吊帶裙花裙現身,大晒事業線,十分搶鏡,卻被網民批評她高級餐廳宣揚香港情懷、向茶記致敬,不太適合…詳情請看

麥明詩中門大開派福利?

轉行做商業顧問的「十優港姐」麥明詩(Lousia),轉職後都有些時候會拍廣告同公開出席活動,日前佢就出席一個發布會時大派福利,中門大開任睇南半球,網民睇到眼都突埋…詳情請看;麥明詩早前更被KOL Muddy Water 渾水於社交平台爆出極罕J圖,白色外套下深V細肩帶,激罕盡騷半球…詳情請看