群星齊齊開聖誕P交換禮物 陸永爆笑送禮 胡說八道會甜蜜過節
廣告
聖誕節人人都會開Party賀一賀，叫晒親朋戚友到家切吓火雞，交換吓禮物。以下這班藝人一樣邀請了各方好友到家中開P，陸永向蕭正楠送岀爆笑聖誕禮物，胡説八道會齊人過節，新婚的林奕匡夫婦亦Call齊人馬開Party，真係非常有聖誕氣氛啊！
text-酒啊九叔 photo-各藝人Instagram
群星齊齊開聖誕P交換禮物
1. 陸永、蕭正楠、黃翠如、唐詩詠、C君、黃天頤
陸永一家悉心為圈中的好友準備Party，交換禮物。一向風趣的陸永又怎會正正常常送份禮物畀蕭正楠，他特意揀選了一個聖誕老人公仔，更為它包上花紙。交換禮物的過程都被陸永太太拍下，片中可見，蕭正楠拆禮物時一面茫然灰到爆！
C君更表示：「有咩好得過聖誕節收聖誕老人做禮物！」至於陸永就話：「我幾有心，幾難買到個咁樣衰！」場面非常爆笑！
2. 胡說八道會
由胡定欣、胡蓓蔚、胡杏兒、黃智雯、李施嬅、姚子羚組成的胡說八道會，於圈中情同親姊妹。這個聖誕，六女加上楊秀慧及豹哥，八人一同歡度聖誕。雖然人人過30，但都無損她們愛美的心，大Show 可愛自拍。Party 咁人齊，當然要交換一下禮物，從相中可見，禮物都偏向實用，絕無「膠」味！
3.林奕匡夫婦、釗鋒、西瓜、朱傑、鄧佩儀
8月才新婚的林奕匡以及林太李靄璣，今年聖誕第一次以林生林太的身份邀請朋友開聖誕Party，903 DJ 西瓜、傑傑、C All Star 的釗鋒以及鄧佩儀都有岀席。成班後生仔女，開P點少得Pizza 同應節火雞。交換禮物的環節中，鄧佩儀以紙巾包住兩份畀朱傑嘅禮物，嚇到傑傑即刻想走人！開箱後才發覺原來是Batman的玩具及男裝長褲！
