陸永

陸永撲水填氹!外父走數兼人間蒸發

流行娛樂

廣告

近年人氣急升的農夫成員陸永拍劇、拍戲、主持、廣告瓣瓣掂,又有個幸福家庭,但原來陸永有苦自己知,其從事裝修工程的外父近年街數纍纍,陸永不但要借錢予外父還債,老婆更因此被牽連,經常被收數佬上門追債滋擾,令到焦慮失眠。孭起頭家的陸永安慰老婆又幫忙照顧女兒,出埠開工又關注老婆情緒,陸永說:「我同太太講呢個唔係我哋嘅錯,叫佢唔好咁擔心!」陸永直認外父已經人間蒸發:「根本睇唔到有幾多嘅債!最重要係,我哋都搵佢唔到!」

text-東方新地 photo-東方新地、Reina IG

陸永外父欠債走數

陸永近年拍住鄭裕玲Do姐演出後人氣急升,拍劇、拍戲、主持、廣告不斷接,與太太陳莉娜 (Reina)及一對女兒一心、一穎非常幸福,不過其實有苦自己知!因為其裝修工程的外父欠債纍纍兼走數,連累Reina被人上門追債滋擾!

 

陸太Reina被滋擾愁爆

日前陸永不在港,陸太Reina獨自揸車送囡囡上學,被問到父親走數連累她不停被人追債滋擾一事,Reina顯得相當緊張:「係呀!」問到數目多少時,Reina皺眉說:「已經幫佢(指父親)唔到!」之後就急急腳上車離開。事實上,Reina父母早年離婚, Reina跟父親關係疏離,至近年父親向Reina表示開設裝修材料公司,因為生意周轉不靈要借錢應急,而據知陸永覺得他始終是外父,所以最後都有借錢,但想不到會沒完沒了!

美容院退股避滋擾

去年陸永打本給太太與友人合資開設美容院,將裝修工程交給外父負責,完成裝修後更已經還清所有款項,惟美容院正式營業時,不時有工人及其他人上門追數,令Reina情緒非常低落。據知陸永勸太太退股離開美容院,雖然突然退股會損失一筆錢,更會影響到朋友,但錢沒有了可以再賺過,又不用再被騷擾。

陸永:太太瞓唔到覺

以為退股一了百了,直至最近再有另一班債主,去騷擾陸永太太已退股的美容院,陸永外父欠債纍纍一事才爆煲!身在外地的陸永電話回覆本刊記者:「佢哋不停打電話去太太已經退股的美容院要搵我太太出嚟,甚至搵埋我出嚟!」陸永直指外父債項是無底深潭,已經令陸永夫婦無法處理,陸永現最擔心是太太心情受影響,太太更因終日擔憂而失眠!

巨蟹座顧家男次次出trip前都會瞓唔著… #我捨不得你yeahyeah

A post shared by MISSUS 6 (@missussix) on

發聲明斷絕關係

心情大受影響的陸太,上月中就忍痛發聲明跟父親斷絕關係。Reina在聲明中表明立場:「有關陳X X 及駿星材料工程有限公司對外之一切行為及金錢糾紛,一概與本人無關!若任何人就上述之事宜,或因本人丈夫之身份,而向本人作出任何要脅、騷擾或纏擾之行為,本人必將報警處理。」其實Reina就曾在lG亦試過嬲到留言發洩:「 希望爸爸似番個人!」據知陳爸爸在外邊早有第二頭住家,卻不理大堆債項影響女兒,幸好這段艱難時間,Reina有個顧家又負責的好老公陪她並肩作戰。

A post shared by MISSUS 6 (@missussix) on

長期受騷擾的Reina,以中文名陳莉娜發聲明,忍無可忍與欠債走數的父親劃清界線。

A post shared by MISSUS 6 (@missussix) on

陸太發聲明斷絕關係前數天,曾在IG留言,可見欠債父親對她傷害極深。

搏命做搵錢養家

陸永同C君組成農夫10年,初出道時工作未如理想,他們就曾自爆戶口試過只得雙位數字,直至15年和Do姐拍攝《Do姐去shopping 》大受歡迎,二人工作愈做愈有,今年陸永就歌影視三線出擊,早前參與拍攝台慶劇《誇世代》煞科,又拍了電影《原諒他77次》及電視劇《抱擁情人》,近期就與Do姐飛歐洲拍攝《Do姐再shopping 》。終於捱出頭的陸永,雖然因為要養家及照顧外母,至今還未上到車買樓,但為了給太太及兩個囡囡有個更舒適的家,去年就由地下村屋搬到月租3萬的一幢式三層村屋,寧願自己辛苦啲賺錢,亦要給家人一個安樂窩。

陸永派翠如上門睇實

陸永為幫外父填氹,忙於工作賺錢,另一方面既要安慰開解老婆Reina,又要幫手湊女睇住頭家,身心極之疲累。陸永現正身在意大利拍攝《Do姐再shopping 》,即使人不在港,仍擔心老婆沒有人照顧,出發前安排一班朋友輪流上屋企睇實,安排好所有節目,更日日打電話給老婆及兩個女視像對話,果然是個廿四孝老公!

聽日星期六,Hannah問可唔可以夜啲瞓,等佢愛人收工可以送個飛吻… @6wing_fama

A post shared by MISSUS 6 (@missussix) on

常見問題

農曆新年有什麼好去處及必買必食優惠推介?

農曆新年必定要和朋友、家人及另一半觀賞電影消閒一番,今年香港有4大超強卡士賀歲電影,一齊笑住過新年!視覺滿足完後,味覺都需要被滿足,為你整合新年盆菜外賣直送年糕優惠推介2023。如果想親自出馬,我們更為你準備了蘿蔔糕3大食譜黃金糕食譜,內藏黃金比例竅門,絕對必看!值得注意的是滙豐、中銀、渣打銀行可換新銀紙,即看:換新鈔及迎新鈔預約連結

2023上半年度演唱會多鑼鑼,有咩搶飛攻略?

隨著疫情過去,有不少歌手宣布舉辦演唱會,例如:陳奕迅演唱會「放寬位」購票連結周杰倫演唱會Twins演唱會鄭秀文演唱會Clockenflap梁詠琪演唱會鄭欣宜演唱會!為你整合了香港演唱會一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

YOU MAY ALSO LIKE ...