陳自瑤入行17年步入39＋1！落淚自白：真係唔識討好人、無人留意我嘅戲 望女兒能像正常小朋友一樣成長
廣告
藝人陳自瑤今年將會39+1，入行17年的她近日受訪，講到大家只留意她的私人生活而忽略她工作上的努力時，陳自瑤一度感觸落淚，即刻睇睇咩事！
撰文：Lmc│ 圖片：陳自瑤@IG│ 編輯：海月
藝人陳自瑤今年將會39+1
將會39+1 陳自瑤：嚇我唔到嘅！
陳自瑤於2000年以模特兒出道，2004年加入無綫電視。入行21年，陳自瑤外表上變化不大，但在多了一份沉穩、成熟的感覺。將會39+1，她表示：「數字嚟㗎啫，嚇我唔到嘅！」
陳自瑤憑《四葉草2赤沙印記》「葉茵」進入電視圈
2004年，陳自瑤憑《四葉草2赤沙印記》「葉茵」進入電視圈，之後一直演「小三」、「反叛」等角色，直到去年的《那些我愛過的人》中，演技終於獲得肯定。她提到：「有啲朋友同傳媒同我講覺得我好唔同，好似脫胎換骨咁。我某程度上係一個比較慢熱同內斂嘅人，錢莉媛係一個好多嘢講、幾風騷嘅一個女仔嚟。翠如成日都講我演咗呢個角色後，我攞咗好多角色嘅特質，原來我活潑嘅性格係會令到身邊嘅人好開心。另外，翠如同Shiga成日都話要撬開我個心，我哋好會約出嚟食飯，由開頭講啲好表面嘅嘢，慢慢講啲深入嘅嘢，真係會覺得大家係攞個心出嚟做朋友。」
外間只在乎私生活 陳自瑤不禁感慨落淚
陳自瑤出演過處境劇、同性戀、叛逆少女、奸妃和小三，她指最深刻的角色是《公公出宮》的大嫂一角：「我係做John哥（姜大衛）好巴辣嘅大嫂，我覺得好大挑戰，但係冇人講過呢件事。」陳自瑤又指過往觀眾只著重她的私生活，令她不禁落淚，相當感慨。
望女兒能像正常小朋友一樣成長
陳自瑤又提到，希望女兒能像正常小朋友一樣成長，因為太多曝光出街便有人認到她，希望女兒不需要承受他們要承受的壓力，因此陳自瑤十分保護女兒，減少女兒曝光的壓力。
