萬千星輝頒獎典禮2021|入行22年終奪女配 陳自瑤多謝「老公」 但竟然唔係王浩信!?
廣告
陳自瑤入行22年,昨晚 (1月2日)終於憑《寶寶大過天》擊敗其餘4名後起之秀,贏得《 萬千星輝頒獎典禮2021 》「最佳女配角」。她聽到賽果宣布一刻情緒激動,不停深呼吸,在台上多謝多位幕後工作人員,又公開多謝在劇中飾演其丈夫的張頴康,稱對方令她推進甚多。她及後又多謝所有屋企人,卻依然未肯公開提及老公王浩信!而「最佳男配角」則朱敏瀚憑《換命真相》奪得,他繼去年勇奪「飛躍進步男藝員」後今年再下一城!
文:東方新地 | 圖:TVB截圖 | 編輯:Wendy (原文刊於:東方新地)
《萬千星輝頒獎典禮2021》
陳自瑤奪女配表現激動
陳自瑤憑《寶寶大過天》奪得「最佳女配角」,擊敗姜麗文(《愛回家之開心速遞》)、麥美恩(《智能愛人》)、劉佩玥(《換命真相》)及何依婷(《星空下的仁醫》)四位對手。陳自瑤聽到宣布後不停深呼吸,並跟台下花旦們攬攬!她上台後表現依然激動,不停唞大氣,然後話:「我入咗公司十七年,終於有機會企喺呢個台上面,真係一啲都唔容易!」
![公布「最佳女配角」前,森美再拎陳自瑤去年黑面來笑﹗又問陳自瑤會唔會再黑面,陳自瑤話:「嚿年因為凍,今年好溫暖,只會笑﹗」(圖片來源:TVB截圖)](https://imgs.orientalsunday.hk/wp-content/uploads/2022/01/-2022-01-02-9.59.12_6220827561d1b3e53bd78.png)
陳自瑤多謝屋企人未有開名多謝王浩信
陳自瑤一口氣逐一多謝:「多謝珍姐畀機會我,將呢個角色畀我。多謝樂小姐,每一次我想放棄嘅時候,你就同我講只要一日喺度就會有機會。多謝志偉哥、多謝祖藍畀咁多唔同機會我﹗多謝我嘅拍檔係你畀我多謝張頴康,多謝《寶寶大過天》嘅台前幕後,多謝咁多年嚟畀過機會我嘅監製,成就咗今日嘅我﹗特別多謝阿姐,畀好多寶貴意見我﹗多謝投我票嘅人,仲有仲有,多謝我嘅屋企人,所有嘅屋企人﹗多謝我嘅朋友﹗」始終未有提及老公王浩信的名!
![陳自瑤入行廿二年獲得女配,台下個個戥佢開心﹗(圖片來源:TVB截圖)](https://imgs.orientalsunday.hk/wp-content/uploads/2022/01/-2022-01-02-10.03.44_19900104561d1b3fd3e1a7.png)
萬千星輝頒獎典禮2021|朱敏瀚攞獎 譚俊彥歡呼
《萬千星輝頒獎典禮2021》最佳男配角五強分別是張頴康、泰臣、朱敏瀚、羅子溢及黃子恆﹗由羅家英、劉江宣布由《換命真相》朱敏瀚奪得「最佳男配角」,朱敏瀚上台,台下同劇的譚俊彥及張振朗歡呼﹗
![萬千星輝頒獎典禮2021|朱敏瀚奪男配識做多謝曾志偉](https://imgs.orientalsunday.hk/wp-content/uploads/2022/01/-2022-01-02-8.34.41_156574801761d1a49d5de81.png)
朱敏瀚多謝曾志偉:佢令我睇到希望﹗
朱敏瀚上台表現冷靜:「我今年同自己講要享受個頒獎禮﹗冇特別預備,其實一個好嘅作品,絕對唔係一個人嘅作用,係成個團隊努力,多謝多珍姐(曾勵珍),我平時唔係好識表達自己,你畀啲唔同戲路嘅劇畀我去表現自己吖﹗仲有要多謝志偉哥,佢畀機會訓練班同事喺台慶有機會上台表演,令我睇到希望﹗仲有我要多謝我自己,我會珍惜每一個機會﹗」
![朱敏瀚由羅家英及劉江手上獲得「最佳男配角」。(圖片來源:TVB截圖)](https://imgs.orientalsunday.hk/wp-content/uploads/2022/01/-2022-01-02-8.35.36_109297497261d1a4abc22e3.png)