陳積榮 完成首次化療出院！自勉：一定可以捱得過！
廣告
前TVB藝員陳積榮（Jeff）早前向公眾透露患上第四期肺癌，陳積榮更因醫藥費而花光積蓄，Jeff嘅好友孫慧雪就係個人社交媒體發文，為積蓄見底的陳積榮籌款。
撰文：Andy｜圖片： 陳積榮 Facebook 截圖｜編輯：海月
陳積榮完成首次化療出院 向大家報平安
現年37歲陳積榮（Jeff）舊年8月確診第四期肺癌，面對呢個噩耗Jeff依然十分積極對抗癌病。天不遂人願，今年年初佢嘅癌細胞擴散，肺部腫瘤亦擴大，身體狀况轉差。最慘嘅係，陳積榮更因積蓄近用盡，無奈要拍片籌醫藥費。好在唔少藝人朋友都出來支持Jeff，包括孫慧雪、馬浚偉、鄧永健和駱振偉等，不過舊公司TVB似乎就仲未有任何援手。
早前再度入院的陳積榮，進行首次化療， 留院接近兩星期，前晚終於出院。
陳積榮在社交平台向大家報平安：
「留院接近兩個星期， 昨天晚上終於可以出院，總算完成第一次化療，明白到人係可以好脆弱，但同時堅持，意志，忍耐，一定可以捱得過。」
經歷做2個星期個化療之後，佢亦有感而發：
「呢10幾日食唔到，瞓唔好，排便都有問題，成個肚，手腳都脹晒，呢兩日面都開始腫，但係點都好，尋晚響屋企終於可以瞓返覺好，我見到全屋企五個人一齊合力去照顧我一個，真係萬般滋味在心頭，真係好感恩，好感恩，我有一班咁可愛嘅屋企人，呢段時間知道好多朋友都好關心我 ，希望大家可以體諒我確實冇精神逐一 回覆。」
