陳惠敏大壽Party好疊馬 網民：重現《古惑仔》場景？
廣告
現年79歲的陳惠敏，在過去憑著「江湖大佬」的義氣仔女形象深入民心，而且亦是武打明星出身的他，當然都相當好揪。就算去到已經步入80，其江湖味形象依然搣唔甩，簡直係一樣咁有型啊！
陳惠敏大壽Party好疊馬 網民：重現《古惑仔》場景？
日前陳惠敏再迎大壽，熱愛高調的他，當然不能夠放過任何開Party的機會。今次生日Party上穿上藍白色裇衫，以及一條藍色西褲，成個Look都完全唔似79歲。他精神狀態都相當好，睇落去似足江湖中的「叔父輩」。
霸氣宣言：香港江湖大佬，全部嚟X晒！
已經高齡的陳惠敏，今次都選擇唔飲酒了，以茶代酒去感謝一眾出席的各方好友。生日Party上佢都相當High，霸氣將手一揮並說：「我嗌嘅兄弟，冇一個唔嚟，X你，全香港江湖大佬，全部嚟X晒。」，成個作風都似足江湖大佬。不過就有網民笑言「飲多兩杯全香港都是你的」。
20年曾患肺癌
陳惠敏曾於2020年9月公開表示自己患上肺癌，不過因為發現得早，幸好及早治療並戰勝病魔。康復後他都積極做運動，不時都去行山，打沙包等等。精神狀況都相當不錯。
年輕時威水史
陳惠敏年輕時出演過多部電影，角色全部都江湖味濃，當中最為入屋的當然便是《古惑仔》當中的東昇大佬駱駝；他曾取得兩屆自由搏擊冠軍，更贏得拳有陳惠敏、腿有李小龍」的稱號，相當威水。
圖片來源：劇照，抖音
