陳奕迅演唱會內部認購收費高？！ 網民卻步：如果又取消，蝕埋手續費！
陳奕迅做林家謙嘉賓試水溫？﹗
陳奕迅去年發生「新疆棉風波」後一直極為低調，未有返內地搵人仔亦未有在港公開露面。早前驚現林家謙演唱會上做嘉賓，隨即有指是為未來工作計劃試水溫！言猶在耳，日前有報道指陳奕迅將於12月在紅館舉行跨年演唱會，一共18場！
陳奕迅為樂迷著想 取消信用卡優先 內部認購照舊
有報道指陳奕迅演唱會票價跟2019年聖誕誇年演唱會票價一樣，分別為＄980、＄680 及＄480， 當年的演唱會因社會運動而取消，故陳奕迅對上一次開騷已是九年前的事！報道又指有關方面為了讓觀眾能買到飛，決定取消信用卡優先訂票，門票將於下月公開發售！以上所有消息，一直未經官方公布，之不過內部認購已低調進行，而且手續費高達＄150一張飛，即無論訂＄980還是＄680都要每張付＄150手續費，並要先支付全數！據相關人士指內部認購手續費約＄20至＄50元，林家謙演唱會每張＄50元手續費，陳奕迅門票手續費之高令大家為之咋舌，所以大家還在十五十六未敢落訂，甚至因而打消訂飛念頭！
陳奕迅開騷 網民畀貼士：千祈唔好買尾場
陳奕迅開騷消息引起很大騷動，支持與反對的網民在網上互罵，有網民留言：「身體最誠實，到時演唱會爆唔爆就知大家企咩立場！」、「唔好呢頭話反，轉頭走去撲飛呀！」、「反對嗰批人千祈唔好買飛，等我唔使撲得咁辛苦，留番有需要嘅人。」等，不過亦有不少網民指過去陳奕迅出名唔留力，故擔心他唱足18場是否能應付到，是否都能保住靚聲？「睇Eason一定要買頭幾場，佢次次唱到一半就開始爛聲，賴呢賴路。」、「師兄，買尾場就知你唔熟行情。」、「仲記得陳生去叱咤又甩咀又唱唔到，祝大家好運啦」等。
常見問題
農曆新年有什麼好去處及必買必食優惠推介？
農曆新年必定要和朋友、家人及另一半觀賞電影消閒一番，今年香港有4大超強卡士賀歲電影，一齊笑住過新年！視覺滿足完後，味覺都需要被滿足，為你整合新年盆菜外賣直送及年糕優惠推介2023。如果想親自出馬，我們更為你準備了蘿蔔糕3大食譜和黃金糕食譜，內藏黃金比例竅門，絕對必看！值得注意的是滙豐、中銀、渣打銀行可換新銀紙，即看：換新鈔及迎新鈔預約連結。
2023上半年度演唱會多鑼鑼，有咩搶飛攻略？
隨著疫情過去，有不少歌手宣布舉辦演唱會，例如：陳奕迅演唱會「放寬位」購票連結、周杰倫演唱會、Twins演唱會、鄭秀文演唱會、Clockenflap、梁詠琪演唱會、鄭欣宜演唱會！為你整合了香港演唱會一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
