秦舒培美國待產 陳冠希4月做爸爸

流行娛樂

廣告

身邊女伴向來如走馬燈的 陳冠希 (Edison),自與台灣女友Ann分手後,去年高調與內地超模秦舒培拍拖。今日有報道指,秦舒培去年中原來已經陀B,BB下個月就出世!而就快做爸爸的Edison,據知佢最近推晒所有內地酒吧騷,留喺美國洛杉磯陪女友待產!

資料來源-東方新地| 圖片來源- 東方新地、陳冠希微博

那些年的壞孩子

Edison多年來身邊不乏女伴,緋聞女友多不勝數,佢早年與台灣女友Ann感情穩定,可惜最終都係逃唔過分手結局,2014年各散東西。

搭上人妻

不過 陳冠希 去年就爆與現年26歲的內地超模人妻秦舒培當眾調情,其後兩人高調認愛,但對方老公、華誼時尚高層趙磊卻指兩人並未離婚,鬧出一場男方偷食人妻、女方出軌的風波。拖拉一段時間後,秦舒培與趙磊終在去年底辦妥離婚手續。

網上爆粗鬧林志玲

去年七月時,Edison突然喺微博上載台灣名模林志玲(Chiling) 的相片,然後留言用英文破口大罵。佢先話Chiling係八婆,然後話對方好醜樣,仲有聞起來好像糞便;之後又話Chiling唔係真正的演員及超模,更暗示對方曾進行過不道德交易!

 

後來有說法指Edison不滿Chiling疑似喺某節目中與秦舒培爭job,於是喺網上霸氣護短,可見佢有幾緊張女友!但最後事件似乎與Chiling無關,於是Edison就被網民狂轟恰女人!

女友大肚 美國築2千萬愛巢

Edison與秦舒培愛得轟烈,今日有報道指女方原來去年中已懷孕,預產期為下個月,Edison即將做爸爸啦!佢亦隨即停晒所有內地酒吧騷,留喺美國陪女友待產。

陳冠希 去年八月斥資285萬美元(約2,200萬港元), 喺美國洛杉磯買下一個五房連泳池的豪宅,作為與女友的愛巢。據知新愛巢位於洛杉磯Hollywood,距離市中心不遠,客飯廳廚房都採用開放式設計,連浴室都完全無遮無掩!符合晒Edison的鬼仔性格。

修心養性

陳冠希 以前一向係無腳雀仔,從來冇女仔可以箍得住佢,同台灣前度Ann分手都係因為被對方發現與其他女性有曖昧關係。但自從遇上秦舒培後就修心養性,連婚姻觀念都改變埋!因為Edison身邊朋友都知道,佢以前講到明唔會結婚,亦唔鍾意小朋友。所以今次Edison準備做爸爸,大家都好驚訝!

不過點都好啦,小編真係恭喜佢呀!