微辣解散丨疑微辣六毫子內部公開信流出 網民：所以真係敢做唔敢認？
廣告
微辣解散丨29歲微辣前經理人阿晶（Jane）於上個月25日離世，死訊傳出之後轟動全網絡。阿晶生前於Instagram揭露自己被欺凌而患上了抑鬱症，矛頭疑直指微辣及一眾微辣舊同事。事後微辣的社交網站以及眾成員們被網民洗版式鬧爆，後來有唔少藝人上水澄清，以及出現多名藝人將IG微辣相關資料刪除，疑似與微辣割席。今日10日微辣官方IG終於宣布暫停更新，事後喺facebook群組更似乎流出疑似微辣內部公開信！
微辣解散丨疑微辣內部公開信流出：輕視了負面情緒造成的傷害
近日於facebook群組中，有網民流出一封疑似係微辣內部公開信，由微辣老闆六毫子撰寫，首先六毫子指自己作為晶的朋友，對於佢突然的離世感到非常難過，而且睇到唔少同事因為這呢悲劇而捲入公眾爭議，佢都非常痛心。六毫子表示呢10年有唔開心的時候，而佢輕視咗負面情緒造成的傷害，造成今次的悲劇。亦明白藝人們想澄清某啲事件，但係要喺網絡上講清楚並不容易，呼籲大家唔好再去爭論，尊重離開的朋友以及佢的家人。最後交代微辣去向，取消十周年演出以及微辣頻道的更新，藝人可以自由決定工作同發展。
微辣解散丨網民半信半疑：扮流出？擺明比公眾睇
對於呢封信，網民都半信半疑「篇野擺明比公眾睇」「扮流出」以及不滿「恰完人叫人唔好再討論」「最後嗰段想嘔」「解散就諗住無事？」「咁即係認晒囉」「咁都寫得出」「最尾嗰段由佢把口講出嚟，假到冇人有」「好x虛偽」「幾個月後，轉另一個名再嚟過」「繼續保持善良哩句真係難聽過講粗口」 「比我感覺係：我哋無錯，前同事唔輕生就無事」「可以看出，無文化」
圖片來源：ig＠sixtycents、facebook＠澳門高登起底組
