阿晶離世丨自稱前微辣員工爆料3大誇張真相：3位女藝人帶頭玩杯葛

Jul 28 2023

阿晶離世丨YouTube頻道微辣前經理人阿晶（Jane）被證實在7月26日離世。發生不幸後，爆發極多唔同的輿論，微辣亦開始出post悼念同時澄清指控。微辣的藝人都開始陸續上水澄清，加蔥甚至宣布退出微辣。而有一位自稱係前微辣員工爆料，有3位女藝人帶頭杯葛阿晶！

疑前微辣員工爆料：Doris、R、Lokb帶頭玩杯葛

唔少網民都會湧到微辣藝人的ig留言控訴洗版，其中一位微辣後製JCW的IG都唔例外。有一位自稱係「睇唔過眼的前微辣員工」就爆料3大真相！第一當時阿晶「搶job事件」指係2姊妹（應指家姐佩男、阿妹思男）去搵六毫子投訴阿晶。第2再爆疑3位女藝人Doris、R、Lokb帶頭玩杯葛阿晶，第3更誇張的係如果邊個like咗Jane last day張相，仲會俾高層照肺，指呢個行為係背叛公司！事後有網民質疑無證據，亦到好意外R、Lokb有份參與

阿晶離世阿晶女藝人Doris — 女藝人Doris（圖片來源：ig＠dorisleetw）

「阿晶好友公開信」被質疑真偽

而一位澳門youtuber司徒文進代轉發的「阿晶好友公開信」，內容中呼籲各界人士出力抵制微辣。事後有一位網民喺霍哥tg group中表示篇公開信的準確度低，認為呢班所謂「一群愛護阿晶的朋友」一定唔係最友好嗰幾個，更指出呢篇公開信係無問過阿晶的家人情況下出，同埋唔會搵一個youtuber出公開信。不過網民就大鬧「不如話遺書係假」「即係認為佢哋冇錯啦x」「微辣無一條友係無辜」「嘩咁大單野，梗係幫手澄清下，等大家都知霍係清泉」有網民就分析「「正常」兩個字，用得依兩個字，即係唔知件事係點，唔知人哋屋企人點諗，只係用自己把尺去度人，同佢口中講緊youtuber係同一類人」