阿儀坦言MIRROR係𡃁仔太細個？被亞視力捧大爆其他亞姐無咁受歡迎 兼教你大擺「阿儀十式」

撰文：八卦妹｜圖片來源：新Monday攝

阿儀開12收10嗌辛苦？

阿儀（薛穎儀）自亞姐首次面試之後，已即成為網友熱門討論話題之一，亞視雖然將阿儀Foul出局，但轉個頭就收歸旗下，並以每個月四位數字的底薪收入給阿儀，還為阿儀接廣告、接拍電影等，每日都有唔同工作。

記者問到阿儀由簽約至今是否已習慣藝人生活時，阿儀表示：「都慣嘅，但有時10點就收得太夜、太辛苦。（10點就辛苦？）係，因12點開始開工，所以收在點就辛苦」，之後阿儀仲分享有時喺街，會比人拍膊頭要求合照，但覺得好開心。

阿儀被受亞視力捧大爆其他亞姐無咁受歡迎

下月正是《亞洲小姐2021》的決賽大日子，已榮升成藝人嘅阿儀，被問到當時點解會咁大膽去報名參選亞姐時，阿儀先輕笑表示：「試下面試囉，難得放寬年齡，平時要30歲（往年有睇？）係呀，所以今年佢放寬咪去報名（你依家唔使選，會唔會做表演嘉賓呀？）可能會表演，又可能會做司儀，或者叫我表演唱歌跳舞。」及後追問阿儀有沒有心水佳麗，阿儀就話：「啲人話17號上鏡，寶玉都話17號都OK（咁你心水係咪佢呢？）好似得我多人講，其他佳麗無咁受歡迎。」

阿儀留意關注組動向：啲網友亂咁入群組

Facebook上有網友為阿儀開設了一個名為「我老公娶咗薛影儀導致婚姻破裂關注組」，當中有逾千人加入，阿儀聽後指網友亂入群組，又將佢嘅相整成影片，有入群睇也有留意，仲籲網友唔好再為她開設群組；對於有部份網友稱她為「阿儀BB」，她再次輕笑：「唔知點解啲人會咁叫我，可能係睇咗我細個啲相。（你鐘意人叫你做阿儀、阿儀BB定全名？）無所謂，兩個都OK，但唔好叫全名，全香港人都識我。」

阿儀唔鐘意小鮮肉坦言MIRROR係𡃁仔太細個

自阿儀成功簽成藝人後，有網友就用「姜濤不紅，天理不容」該句說話，改成為「阿儀不紅，天理不容」，但當問到阿儀知唔知出處時，阿儀表示唔知，後來被問到知否邊隊是MIRROR時，阿儀聽後表示：「MIRROR 嗰啲𡃁仔，嗰9個𡃁仔嚟（MIRROR喎，你係咪真係知？）知呀！（你有無話鐘意MIRROR入面邊個？）無呀，太細啦！」