防疫措施添新限制！「牛角」老闆黃傑龍：不能因著數強迫員工接種疫苗

撰文：Andy｜圖片：黃傑龍Facebook 、政府新聞網｜編輯：海月

防疫措施添新限制

特首林鄭月娥提出「疫苗氣泡」，調整社交距離等限制措施，包括透過區分接種疫苗和非接種疫苗市民、食肆員工和食客接種新冠疫苗，就可以放寬人數限制、餐廳亦可以延長營業時間。而市民必須使用安心出行app，不能再手寫紙。

稻苗學會主席兼叙福樓集團主席黃傑龍喺Facebook出post稱，接種疫苗以換取放寬食肆營業限制固然吸引，但唔可以因此而強迫飲食業員工接種疫苗。所以經過思慮之後，黃傑龍決定放棄增加營業時間，照舊營業到12點。

針真係唔可以迫人，所以員工是否打針仍然係他們自己的決定。 兩小時營業加六人一枱，當然吸引，但係我勉強仲有能力放棄，唯有大家密啲手。希望各位都原諒我哋暫時未能夠為你提供服務至12點，敬請原諒。

敘福樓集團早前為防疫自願暫休16間餐廳

去年叙福樓集團宣布為減低疫情傳播風險，喺2020年2月13日起集團所有4家「溫野菜」及12家「牛涮鍋」餐廳暫時休業。敘福樓集團旗下品牌包括：敘福樓金閣、牛角、牛角Buffet、牛角次男坊、牛涮鍋、柳氏家、温野菜，以及和平飯店。