【頭搖又尾擺】闖F1禁地 直擊「90後車神」方駿宇操到嘔

流行娛樂

廣告

「台上1分鐘,台下10年功」,雖然老套,但係永遠真理。運氣唔會跟你一世,但經驗同知識可日積月累,兼冇人可以搶走。

今個月頭,記者一連6日貼身喺英國採訪香港首位1級方程式(F1)實習車手方駿宇(Adderly),佢今次係代表Koiranen GP出戰GP3系列賽,再去牛津大學同蓮花F1車隊總部作地獄式操練。
記者有幸「掹衫尾」跟佢深入車房同有錢人都未必入到嘅Formula One Padduck Club貴賓區、牛津大學體育中心、蓮花F1車隊總部,訪問到一眾位高權重嘅蓮花車隊高層同設計師、睇埋身F1嘅訓練方式,同埋深入多個唔輕易對外開放嘅車隊秘地!
影片內容係咪好吸引呢?以下係報道嘅撮要,想睇詳細版可以購買今期(772期)實體書,或者喺Android手電App《新Monday》、iPad《NM+ emag》觀看今期電子版。

text – Jessie photo – Jessie、由公關提供、Lotus F1 Team

方駿宇profile
香港首位F1實習車手,有「香港少年車神」美譽。14歲參加保時捷舉辦嘅活動日(Track Day)開始接觸跑車。13年贏得Audi R8 LMS盃年度總冠軍,係該賽事最年輕總冠軍。上年正式落場參加F1車手技術測試,駕駛沙巴車隊(Sauber)2012年戰車C31完成99圈。1個月後,喺F1阿布扎比站正式為車隊練習上陣。2015年,除咗擔任蓮花F1車隊實習車手,亦為Koiranen GP出戰GP3系列賽,同為賓利車隊(Bentley Team)出戰亞洲GT系列賽,上個月尾喺日本岡山站贏得分站冠軍。

體能操練篇
相信世上唔少有車牌嘅人,覺得只要夠錢買部超跑操多兩轉,就有資格成為車手,錯!Adderly話,職業賽車手體能訓練唔會比任何運動少。「車手需要好強嘅心肺功能,尤其係強壯嘅頸、背脊、前臂、小腿,核心肌群力量同柔韌度要求都好高,因為咁樣先可以承受由賽車高速引致嘅5G重力,同100%控制部車。」
今次GP3比賽結束後,Adderly就即刻分別去到牛津大學體育中心以及蓮花F1車隊總部進行地獄式訓練,喺牛津重操到爭啲嘔出嚟,佢真係同筆者咁講㗎!Adderly嘅體能教練Matt Queralt話車手比賽時喺高速、高溫、高濕度嘅環境,身體重要承受比自己體重5倍嘅離心力比賽90至120分鐘,體能需求極大。

Adderly喺蓮花F1車隊總部體能中心(Human Performance Centre)特訓,體能中心主要針對強化車手腰部、頸部肌肉、柔韌度同反應時間。自2012年效力蓮花F1車隊嘅運動科學專家及體能教練DavidThompson亦對Adderly作出相當高嘅評價。「佢好肯學同聽教,最緊要好積極、鬥心強。」

 
內容延讀:

潮神 木村拓哉百萬港幣上身 5大潮物睇下你跟唔跟到?

BB有得著 炒鞋YEEZY BOOST 350 ,你冇!

模擬器練習篇
每個F1車手嘅戰車都係tailor-made,所以作為準車手嘅Adderly完成體能訓練,就返到蓮花F1車隊總部,進行為期兩日嘅模擬器練習。打機?咁咪好爽?佢話呢樣係F1實習車手最重要嘅工作之一,因為測試可提供數據幫助車隊更新戰車。

 

 

蓮花F1總裁:「希望Adderly季尾落場!」
我哋亦好幸運訪問到蓮花F1車隊行政總裁Matthew Carter,佢話要成為F1車手,除咗速度快有技術,最重要係有足夠賽車經驗,唔急得。
「我哋車隊從來唔按傳統,所以我哋有女車手,亦有香港車手Adderly嘅加入。我哋一直密切觀察佢喺F1模擬器嘅測試表現,佢表現得非常好,但仍處於學習階段,希望佢可以喺今季季尾嘅F1賽車場參加周五練習,要成為真正車手,我全睇表現。」

黃竹坑可體驗F1駕駛模擬器
雖然車隊嘅模擬器我哋就未見過,不過喺香港黃竹坑就有間專業賽車模擬訓練中心——Racing Simulation,入面有部模擬器,據講同F1車隊嘅理論係一樣,都係有部車而面對有超巨型弧形螢幕,猶如置身現場,真係賽緊車一樣。
但當然,冇車隊嘅數據同工程師,實係有啲分別,而且每隊車隊都有自己嘅一套系統。不過中心嗰部模擬器可設定成多種唔同嘅賽車,同埋跑世界各地唔同賽道,所以香港有好多賽車手喺比賽前都鍾意去揸下,當係練習,亦係了解下賽道。
地址:黃竹坑業發街1號The Factory 9樓901室

價錢:$2,600-$66,000
查詢:2553 2552

 
內容延讀:

潮神 木村拓哉百萬港幣上身 5大潮物睇下你跟唔跟到?

BB有得著 炒鞋YEEZY BOOST 350 ,你冇!

方程式比賽篇
講番較早時嘅比賽,英國站係2015年方程式比賽第3站,喺車迷都好嚮往踏足嘅銀石(Silverstone)賽車場舉行。英國站向來都係最受歡迎,今年只計周日單日,就已經吸引到14萬車迷入場。
銀石喺二戰時期本來係英軍機場,地勢平坦,但賽道有好多急彎,絕對唔易揸。Adderly話呢度算係佢半個主場,所以可以喺度比賽好開心。「08年我第1次F3試車就係喺呢度,對我意義重大。11年又喺度參加GP3練習賽,學識點樣應付雨天賽事,對場地都算熟悉,信心自然都大啲。」佢喺排位賽果然就以1″47.620圈速完成,同頭車差0.58秒,造出咗今季個人最佳成績第7名。

賽事以外 勁多嘢玩
除咗賽車,現場重有好多設施可以玩:摩天輪、軍用直升機、小食檔、流動酒吧、小童bubble soccer,最正係極速換呔體驗遊戲,我哋成班記者玩到唔捨得走。現場重有名為「F1 Village」嘅大型帳幕,入面售賣各車隊嘅紀念品,帳幕裏面長期人頭湧湧。

There are 2 comments

Add yours

Comments are closed.