鍾嘉欣憶述生大女過程驚險下體大出血嚇襯老公將其比喻作西瓜

Mar 28 2022

剛剛返回加拿大的鍾嘉欣在其YouYube個人頻道拍片，憶述16年生大女Kelly的經歷，表示生仔的痛楚果真難以形容，以西瓜要穿過一個小洞一樣作比喻。原來鍾嘉欣因大出血暈倒，醫生更建議為其下體做重建手術，有感生仔真係搵命博，不過鍾嘉欣好勇敢，兩年後繼續順產生細仔Jared。

鍾嘉欣鍾嘉欣以全英語拍片。 — 鍾嘉欣以全英語拍片。（圖片來源：YouTube@鍾嘉欣Linda Chung）

鍾嘉欣全英語講述可怕生女經過

37歲的鍾嘉欣於15年底閃嫁脊醫老公Jeremy，翌年在加拿大誕下大女Kelly，日前她在自己的YouTube頻道以全英語拍片講述當年生大女時的經歷，整個分娩過程驚心動魄，就連鍾嘉欣自己講到緊張處都忍唔住用手掩面。

鍾嘉欣鍾嘉欣直認因為冇經驗，唔了解官縮真實感受，原本醫生指示擴張至5厘米就要入院，但佢未有為意，仲堅持在家慢慢食早餐，憶述生女之痛不時掩面。 — 鍾嘉欣直認因為冇經驗，唔了解官縮真實感受，原本醫生指示擴張至5厘米就要入院，但佢未有為意，仲堅持在家慢慢食早餐，憶述生女之痛不時掩面。（圖片來源：YouTube@鍾嘉欣Linda Chung）

鍾嘉欣鍾嘉欣話當時的感受，就好似一個大西瓜要穿過一個小洞，其實形容得好貼切。 — 鍾嘉欣話當時的感受，就好似一個大西瓜要穿過一個小洞，其實形容得好貼切。（圖片來源：YouTube@鍾嘉欣Linda Chung）

鍾嘉欣整個過程非常危急

鍾嘉欣生第一胎未有經驗，完全唔知產前宮縮的感覺，入院前堅持食飽早餐先，點知用餐中途突然下體流血，即被奶奶勒令要坐車去醫院，入院後情況非常緊急，原來鍾嘉欣的子宮口已擴張至8厘米，仲差兩厘米(10厘米)就生得，即被推入產房，鍾嘉欣全程都要吸氧氣，諗起都覺到好痛好痛，她更掩面指「好似個大西瓜要穿過一個小洞。」鍾嘉欣更要靠奶奶給她的冰水和雪條減輕痛楚。

鍾嘉欣大女Kelly出世時體重有7磅5安士。 — 大女Kelly出世時體重有7磅5安士。（圖片來源：YouTube@鍾嘉欣Linda Chung）

鍾嘉欣生完個女，鍾嘉欣整個人幾乎虛脫。 — 生完個女，鍾嘉欣整個人幾乎虛脫。（圖片來源：YouTube@鍾嘉欣Linda Chung）

鍾嘉欣鍾嘉欣話其中一件難忘事，就係剛出世的囡囡竟與醫生勾手指。 — 鍾嘉欣話其中一件難忘事，就係剛出世的囡囡竟與醫生勾手指。（圖片來源：YouTube@鍾嘉欣Linda Chung）

鍾嘉欣大出血暈倒

幾經辛苦囡囡Kelly終於出世，不過鍾嘉欣並未有得休息，因為接下來的一小時她要把胎盤排出體外，之後護士叫要她嘗試落床小解，不過鍾嘉欣行唔夠兩步已經下身大量出血，最後更暈倒，幸好當時有老公Jeremy扶住，並及時呼叫護士幫忙，鍾嘉欣要折返產房再次接受醫生檢查，醫生建議即送她入急症室做一個下體重建手術，鍾嘉欣真係嚇得腳軟，即時拒絕，醫生表示可以觀察一日才決定，最後鍾嘉欣雖然逃過一刀，但傷口未復原，要休息足足2個月才可以正常走路。